Azərbaycanın Təhsil nazirinə yeni müavin təyin olunub.
“AzPolitika.info”-ya daxil olan məlumata görə, Təhsil Nazirliyinin Aparat rəhbəri Muxtar Məmmədov Təhsil nazirinin müavini vəzifəsinə təyinat alıb.
Bu barədə Prezident İlham Əliyev sərəncam imzalayıb.
Muxtar Məmmədov 2005-2013-cü illərdə Xarici İşlər Nazirliyində çalışıb və ikinci katib vəzifəsinədək yüksəlib.
2013-cü ildən isə Təhsil Nazirliyində çalışır. Nazirliyin Beynəlxalq əməkdaşlıq şöbəsində sektor müdiri, müdir müavini və şöbə müdiri vəzifələrində çalışıb. 2018-ci ilin yanvar ayından isə Aparat rəhbəri vəzifəsini müvəqqəti icra edirdi.
Xatırladaq ki, Muxtar Məmmədov ötən il iyunun 23-də Prezident İlham Əliyevin “Dövlət qulluqçularının təltif edilməsi haqqında” sərəncamı ilə dövlət qulluğunda səmərəli fəaliyyətlərinə görə təltif olunub.
“AzPolitika.info”
Şərhlər
ALLAH bilir, kimin kürəkənidir. Nazirliklərdə işləmək təkcə bunların boyuna biçilməyib ki. Ölkədə bundan da yaraşıqlı, bundan da intellektli, təmiz əqidəli, heç vaxt hansısa korrupsionerin rəhbərliyi altında çalışmayan, amalı ancaq təhsili inkişaf etdirmək olan saf adamlar var ki. Əminəm ki, indiyə qədər heç bir təşəbbüsü olmayan bu adam indən sonra da müsbət mənada bir iş görməyəcək. Odur ki, ALLAH niyyətini öz başında çatlatsın, DEYİRƏM.