YAP-ın 9 RAYON TƏŞKİLATININ SƏDRİ VƏZİFƏSİNDƏN AZAD EDİLİB - Yeni sədrlər təsdiqləndi
Hakim Yeni Azərbaycan Partiyasının (YAP) Bakı üzrə 9 rayon təşkilatının sədrləri vəzifəsindən azad edilib. "Report" xəbər verir ki, bununla bağlı partiyanın İdarə Heyətinin bu gün keçirilən iclasında qərar qəbul olunub.
Belə ki, iclasda partiyanın rayon təşkilatlarına yeni sədrlərin təyin olunması məsələsi müzakirə edilib.
Partiyanın vəzifədən azad olunan rayon təşkilatlarının sədrləri aşağıdakılardır:
Səbail rayon təşkilatının sədri Şəmsəddin Hacıyev, Yasamal rayon təşkilatının sədri Tağı Əhmədov, Nəsimi rayon təşkilatının sədri deputat Məlahət İbrahimqızı, Qaradağ rayon təşkilatının sədri, deputat Aydın Hüseynov, Nizami rayon təşkilatının sədri, deputat Sədaqət Vəliyeva, Binəqədi rayon təşkilatının sədri Ramiz Göyüşov, Pirallahı rayon təşkilatının sədri Hikmət Şikarov, Nərimanov rayon təşkilatının sədri Təmraz Tağıyev, Sabunçu rayon təşkilatının sədri Mehriban Abasquliyeva vəzifəsindən azad ediliblər.
Bundan əlavə, iclasda Vüqar Seyidov yenidən Suraxanı rayon təşkilatının sədri, Namiq Əhmədov isə yenidən Xəzər rayon təşkilatının sədri vəzifəsinə təyin olunub.
Xatırladaq ki, bu ilin aprel ayında partiyanın Xətai rayon təşkilatının sədri Hüseynbala Mirələmovun sosial şəbəkələrdə qeyri-etik hərəkətlərinin olduğu videosu yayıldıqdan sonra o, vəzifəsindən azad edilib. H.Mirələmov eyni zamanda YAP üzvlüyündən xaric edilib.
Qeyd edək ki, İdarə Heyətinin qərarına əsasən, Səbail rayon təşkilatının sədrliyinə Nağıyev Muxtar Teymur oğlu, Nəsimi rayon təşkilatının sədrliyinə Süleymanov Azər Abdul oğlu, Yasamal rayon təşkilatının sədrliyinə Nəbiyev Bəxtiyar Eyvaz oğlu, Nərimanov rayon təşkilatının sədrliyinə Vəliyev Samir Əhməd oğlu, Xətai rayon təşkilatının sədrliyinə Rəhimzadə Vüqar Gəncəli oğlu, Nizami rayon təşkilatının sədrliyinə Vəlibəyov Ramil Vaqif oğlu, Binəqədi rayon təşkilatının sədrliyinə İsmayılov Vüsar Qəşəm oğlu, Sabunçu rayon təşkilatının sədrliyinə Vəliyev Misirxan İzzət oğlu, Qaradağ rayon təşkilatının sədrliyinə Əliyev Qafar Məmməd oğlu və Pirallahı rayon təşkilatının sədrliyinə isə Abasov Emil Tofiq oğlu təsdiqlənib.
***
Bu gün hakim Yeni Azərbaycan Partiyası (YAP) İdarə Heyətinin iclası keçiriləcək. Toplantıda bütün rayon təşkilatlarına sədrlər təsdiqlənəcək.
Partiyanın Səbail rayon təşkilatının sədri Şəmsəddin Hacıyev və Yasamal rayon təşkilatının sədri Tağı Əhmədov sədrlik vəzifəsinə namizədliklərini irəli sürməyəcəklər. (unikal.org)
Şərhlər
YAP-ın rayon təşkilatlarının sədrləri saf, təmiz əqidəli, dövlətini və xalqını qəlbən sevən, partiyanın mövqeyini şəxsi maraqlarından üstün tutan partiya üzvüləri təyin olunmalıdrlar. Tanıdığım , Xətai rayon təşkilaına sədr seçilən Vüqar Rəhimzadə təmiz əqidəli, təmiz vicdanlı , partiyaya sadiq olan bir ziaylıdır. Dəyərli ziyalının YAP rayon təşkilatına sədr təyin olunması partiyanın imicinə öz müsbət nəticəsini verir. Bu münasibətlə V. Rəhimzadəni təbrik edirəm və Partiyanın fəaliyyətində uğurlar arzulayıram.
Тагы меллим меним багвшлайын сизде 100 манат олмаз?
Tağı Əhmədov 44 illik əmək haqqını yığıb Akif Çovdarova verdiyini idda edirdi, o vaxt cavan olub işləyib yığmışdı, indi yaşa dolub təqaüddədir, məncə ona maddi kömək lazımdır, bank hesabını bilsəydim, kömək edərdim...