Baltik ölkələri xahiş edirlər ki, NATO alyansın hərbi iştirakını onların ərazisində artırsın.
Bu barədə Estoniyanın Baş naziri Kaya Kallas bəyan edib («Röyter»).
Onun sözlərinə görə, NATO-nun iştirakının artırılması çəkindirici faktor olmalıdır. Bu məsələyə artıq gələn ay baxıla bilər.
KİV-lər yazırlar ki, NATO-nun iştirakının artırılmasını Baltik ölkələri alyansın Rusiya ilə danışıqları fonunda xahiş ediblər.
Xatırladırıq ki, bu gün NATO və Rusiya nümayəndə heyətlərinin məsləhətləşməsi baş tutub.
Məsləhətləşmələr 4 saata yaxın davam edib. İclas Rusiya və Qərb ölkələrinin Avropada təhlükəsizlik üzrə Rusiyanın təklifinin müzakirəsinin ikinci mərhələsi olub. Birinci mərhələ - Rusiya və ABŞ danışıqları yanvarın 10-da Cenevrədə keçirilib.
Qeyd edək ki, Baltik ölkələri NATO-ya 2004-cü ildə daxil olublar.
AzPolitika.info
Şərhlər