Xəbər verdiyimiz kimi, Bakı Su İdman Sarayının direktoru Elçin Həsənov işdən çıxarılıb. Fərid Qayıbovun əmri ilə onun yerinə Zaur Yaqubov təyinat alıb.
E.Həsənov bundan sonra Azərbaycan Üzgüçülük Federasiyasının vitse-prezidenti olacaq.
Qeyd edək ki, E.Həsənov sabiq gənclər və idman naziri Azad Rəhimovun qaynıdır.
O, bu gün oxu.az-a müsahibəsində A.Rəhimovun qaynı olması və buna görə işdən çıxarılması ilə bağlı suala belə cavab verib: “Məni üzrlü sayın, ancaq mən bu suala cavab vermək istəmirəm. Cavab versəm, subyektiv fikir alınar. Kim mənim üzümə gəlib deyə bilər ki, Azad Rəhimovun qohumu idin, ona görə işdən çıxmalısan. Amma indi yeni nazirdir, öz kadrlarını gətirir, bu normaldır. Həmişə necə olubsa, indi də elədir… Ancaq bu obyekt yeganə idman qurğusudur ki, həmişə yaxşı işləyib”.
Xatırladaq ki, Azad Rəhimov 2006-cı ildə gənclər və idman naziri təyin olunub. O, 2021-ci ildə ağciyər xərçəngindən və qaraciyər serozundan dünyasını dəyişib. A.Rəhimovun yerinə 2021-ci il sentyabrın 7-də Fərid Qayıbov təyinat alıb.
Şərhlər
Here ôz kadrni qetirir ? ola bilmez bizde bele bir hall !!!!!Komedixanadiyeeee
Analoqu olmayan qudalar ölkəsi