Türkiyə ilk hərbi pilotsuz helikopterini əldə edəcək

Türkiyənin ilk pilotsuz helikopteri olan “Alpin”in yaradılması, inkişafı və istehsalı üçün dövlət subsidiyaları alan şirkətin adı açıqlanıb.

Belə ki, “Titra” bir neçə şirkət arasından seçilib. Şirkət hər il on helikopter tipli dron istehsal etməyi planlaşdırdığını açıqlayıb.

Hazırda “Titra”nın müştəriləri hər il 250 kamikadze-dron əldə edirlər.

Qeyd edək ki, “Alpin” uzaqmənzilli PUA-ları həm hərbi, həm mülki, xüsusən də xilasetmə əməliyyatları üçün istifadə oluna bilər. (Mənbə: Defense News)