Xorvatiya millisi Qətərdə keçirilən dünya çempionatında 1/4 final mərhələsinə vəsiqə qazanıb.
Avropa təmsilçisi 1/8 finalda Yaponiyanı mübarizədən kənarlaşdırıb.
Matçın əsas vaxtı 1:1 hesabı ilə başa çatıb. Yaponiyalılardan Daydzen Maedanın 44-cü dəqiqədə vurduğu qola İvan Perişiç 55-ci dəqiqədə cavab verib. Əsas vaxtda qalib müəyyənləşmədiyindən əlavə vaxt oynanılıb.
Tablodakı rəqəmlər dəyişmədiyindən penaltilər seriyasından istifadə olunub. Burada daha dəqiq oynayan (4:1) Xorvatiya yığması adını növbəti mərhələyə yazdırıb.
Qeyd edək ki, Xorvatiya yığması 1/4 finalda Braziliya – Cənubi Koreya duelinin qalibi ilə qarşılaşacaq. Bu gün keçiriləcək matç Bakı vaxtı ilə saat 23:00-da başlayacaq.
Şərhlər
Dünya çempionatına baxıb Xorvatlara həsəd apardım. Əhalisi 4 188 853 nəfər olan Xorvatlar bütün dünyaya sübut etdi ki, əhalinin çoxluğu hələ heç nə demək deyil. Hərdən adam dönüb Xorvat olmaq istəyir. Sağ əlləri Azərbaycan yığmasının başına.