TAKSİ BAZARINA ÇƏKİ-DÜZƏN VERİLƏCƏK – Nazir dəyişikliklər ediləcəyini bəyan etdi

“Bolt”, “Uber”, “Yango” kimi şirkətlər qanunvericilikdə olan boşluqlardan istifadə edərək neqativ halların yaranmasına bilavasitə yol açır”.

“AzPolitika.info xəbər verir ki, bunu rəqəmsal inkişaf və nəqliyyat naziri Rəşad Nəbiyev “APA-Economics”ə müsahibəsində deyib.

Nazir beynəlxalq taksi xidmətinin Azərbaycanda gələcək perspektivinə aydınlıq gətirib.

Onun sözlərinə görə, Azərbaycanda nəqliyyat sahəsində də xidmətlərin elektronlaşdırılması müsbət qarşılanır: "Bu baxımdan, bu şirkətlərin ölkəmizdə fəaliyyətə başlaması bazarda rəqabətin yaranması, müştərilərə təqdim olunan xidmətlərin elektronlaşdırılması baxımından müsbət qiymətləndirilə bilər. Lakin əfsuslar olsun ki, zaman keçdikcə taksi xidmətləri sahəsində qeyd etdiyimiz problemlər üzə çıxmağa başladı. Hesab edirəm, bu sahədə qlobal aqreqator şirkətlər, o cümlədən “Bolt”, “Uber”, “Yango” kimi şirkətlər də problemin böyüməsində mühüm rol oynadı. Bu şirkətlər hələ də qanunvericilikdə olan boşluqlardan istifadə edərək istər sərnişinlərin, istərsə də sürücülərin narazılığına səbəb olan neqativ halların yaranmasına bilavasitə yol açır.

Belə ki, adıçəkilən şirkətlərdə çalışan sürücülərlə əmək müqavilələrinin bağlanmaması, sürücülərin bəzən 14-16 saat sükan arxasında olması, bunun müqabilində isə gəlirlərinin çox aşağı olması kimi neqativ hallar müşahidə olunur. Eyni zamanda, bu şirkətlər tərəfindən vətəndaşların fərdi məlumatlarının mühafizəsinə dair mövcud qanunvericilik normaları da kobud şəkildə pozulur”.

Nazir bildirib ki, Rəqəmsal İnkişaf və Nəqliyyat Nazirliyi taksi xidmətində keyfiyyətin yüksəldilməsi və mövcud qanunvericilik bazasının günümüzün tələbinə uyğunlaşdırılması məqsədilə artıq bir müddətdir ki, mühüm islahatların planlamasını aparır: “Nəticədə taksi fəaliyyətinin tənzimlənməsi üçün qanunvericiliyin təkmilləşdirilməsi və səmərəli nəzarət mexanizmlərinin yaradılması istiqamətində mühüm hazırlıq işləri görülməkdədir.

Çox yaxın zamanda qanunvericilikdə müvafiq dəyişikliklərin edilməsi gözlənilir. Bu dəyişikliklər sahəyə dövlət nəzarətini həyata keçirməyə imkan verəcək, vətəndaşlarımız üçün keyfiyyətli taksi xidmətlərinin təqdim olunmasına, sürücülərin isə layiqli iş şəraiti ilə təmin olunmasına gətirib çıxaracaq”.

R. Nəbiyevin sözlərinə görə, bu dəyişikliklər qəbul edildikdən sonra qlobal şirkətlərin ölkə qanunlarına riayət etməsini təmin etmək üçün müvafiq alətlər formalaşacaq. Nazir qeyd edib ki, Azərbaycan bu şirkətlərin tənzimlənməsini həyata keçirən ilk ölkə deyil. Təxminən 10 il bundan öncəyə qədər sifarişli taksi xidmətləri və ya “raydşeyrinq” xidməti yeni biznes modeli olduğundan heç bir ölkənin qanunverciliyində öz əksini tapmamışdı.

 “Zaman keçdikcə tənzimləyici qurumlar biznesi öyrənməyə və müvafiq tənzimləmə alətlərini qanunvericiliyə daxil etməyə başladılar”, - o əlavə edib.

635x100

Şərhlər

max 2023-06-15 14:28:26

bəs bu nazir indiyədək harad yatıbmış ki indi çəki-düzən d yadına düşüb?

S.Ənvərqızı 2023-06-01 10:51:46

Nazir Rəşad Nəbiyevə dəfələrlə müraciət etməyimə baxmayaraq, müraciətimə əhəmiyyət belə verməmişdir ? Əgər vətəndaşın müraciətinə baxılmırsa, hansı iş keyfiyyətindən danışmaq olar ? Sabiq nazirlərdən cənab Əli Abbasov və Ramin Quluzadə hayf oldular. Onların yeri görünür !

RR 2023-06-01 05:34:45

Vallahi , men birshey anlamadim. Meshedibad demishken ( tarix nadir meselesi

Kamil 2023-05-31 21:06:14

Taksi xidməti dövlət nəqliyyat müəssisələrində notmal və effektiv təşkil oluna bilərPərakəndə halda özəl əllərə vu daşımaları tapşırmaq yanlışdırBakl şəhərində iri taksi parkları yaradılmalıdır.

musa 2023-05-31 15:47:27

hee deveni gonaq cagirmaq meselesine dondu bu ish. bir sozle taxi xidmeti bahalashacaqdir vessalam kuttamam

t.ədalət 2023-05-31 15:25:46

Azərbaycandan başqa dünyanın heç bir ölkəsində taksi sürücülərinin də çörəyinə göz dikən ölkə yoxdur.Ölkə əhalisinin çörək qazanması üçün olan bütün sahələr,hətta süpürgəçiliyə də hakimiyyət göz dikib.Qonşu ölkələrdə on nəfərdən az işçi qüvvəsi olan xidmət sahələrindən vergi alınmır.Bizdə müəssisənin gəliri oldu,olmadı hakimiyyət hər işçiyə görə vergidən və digər ödənişlərdəın əlavə,87 manat "məşğulluq" pulu tutur.Nəticədə də kiçik iş yerləri,elə müştərisi az olan kafelər də fəaliyyətini dayandırır.

Son yazılar