“Azərbaycan nəhayət öz ərazi bütövlüyünü və suverenliyini bərpa etdikdən sonra Cənubi Qafqaz regionunda status-kvo tamamilə dəyişib və dünyada hər kəs bununla hesablaşmalı olacaq”.
“AzPolitika.info” xəbər verir ki, bunu ABŞ-da yaşayan tanınmış azərbaycanlı siyasi şərhçi Ramiz Yunus bildirib.
“Ermənistanın Brüsseldə və Vaşinqtonda müəyyən siyasi qüvvələr vasitəsilə Azərbaycana təzyiq göstərmək cəhdləri qeyri-məhsuldardır və iki ölkə arasında sülh prosesinin növbəti dəfə zərbə altında qoyacaq”, - ekspert əlavə edib.
R.Yunusun sözlərinə görə, rəsmi Bakının xarici işlər nazirlərinin Vaşinqtonda görüşməkdən imtina etməsi bunun əyani təsdiqidir: “Ermənistan və onların himayədarları üçün illüziyalardan qurtulmaq vaxtının yetişdiyini başa düşmək vaxtıdır. Fridrix Nitsşenin dediyi kimi: “Bəzən insanlar həqiqəti eşitmək istəmirlər, çünki illüziyalarının məhv olmasını istəmirlər”.
“AzPolitika.info”
Şərhlər