Məlum olduğu kimi, 2024-cü ildə Almaniyada keçiriləcək futbol üzrə Avropa çempionatının seçmə mərhələsinin qrup oyunları başa çatıb.

“AzPolitika.info” xəbər verir ki, “Avropa Çempionu” ünvanı uğrunda 24 milli komanda mübarizə aparacaq. Onlardan 21-nin adı məlum olsa da, digər 3 komandanın adına gələn ilin mart ayında keçiriləcək pley-off mərhələsinin oyunlarından sonra aydınlıq gələcək.

Hazırda mundiala vəsiqə qazanan ölkələr ve yerləşdikləri qruplar belədir:

A qrupu

Almaniya, Portuqaliya, Fransa, İngiltərə, Belçika, İspaniya

B qrupu

Türkiyə, Danimarka, Macarıstan, Albaniya, Rumıniya, Avstriya

C qrupu

Xorvatiya, Sloveniya, Slovakiya, Çexiya, Hollandiya, Şotlandiya

D qrupu

Serbiya, İtaliya, İsveçrə, pley-offdan gələcək 3 komanda

Qeyd edək ki, məşhur “Goal” saytı AVRO 2024-ün favorit komandalarını sıralayıb.

Turnirdə iştirakı təsdiqlənmiş 21 komanda olduğundan, sıralamada 21 milli komanda yer alıb.

Həmin sıralamanı təqdim edirik:

1- Fransa

2- Portuqaliya

3 - İspaniya

4 - İngiltərə

5 - Belçika

6 - Avstriya

7- Macarıstan

8 - Türkiyə

9 – Albaniya

10 – Hollandiya

11- İtaliya

12 - Xorvatiya

13- Rumıniya

14- Şotlandiya

15- Almaniya

16- Danimarka

17- Slovakiya

18 –Sloveniya

19- İsveçrə

20- Serbiya

21- Çexiya

Onu da qeyd edək ki, 14 iyundan 14 iyul tarixinədək davam edəcək çempionatın qalibi 34 milyon dollar mükafat alacaq. FIFA ümumilikdə turnir üçün 371 milyon avro mükafat məbləği təyin edib. Turnirə qatılan hər bir ölkə 9,25 milyon avro qazanacaq. Qrupdakı hər qalibiyyət 1,5 milyon avro, hər heç-heçə isə 750 000 avro ilə mükafatlandırılacaq. 1/8 finala çıxan komandalar 2 milyon avro, 1/4 finala yüksələnlərə isə 3,25 milyon avro ödəniş olunacaq.

FIFA yarımfinala çıxan komandaların hər birinə 5 milyon avro, çempion komandaya 10 milyon, finalistə isə 7 milyon avro ödəyəcək. Bu rəqəmlərə əsasən, qrupunda bütün oyunları qazanıb, finala çıxan ölkə ümumilikdə 34 milyon avro qazanc əldə edə bilər.

“AzPolitika.info”