Ukrayna Hava Qüvvələri gün ərzində Rusiyanın ikinci Su-34 qırıcı-bombardmançı təyyarəsini vurub.
APA UNIAN-a istinadən xəbər verir ki, bu barədə Ukrayna Hərbi Hava Qüvvələrinin komandanı, general-leytenant Nikolay Oleşuk "Telegram"da məlumat verib.
Oleşuk vurulan Rusiya təyyarəsinin fotosunu paylaşıb.
Hərbi Hava Qüvvələrinin komandanı səhər saatlarında da Ukraynanın şərqində Rusiyaya məxsus Su-34-ün vurulduğu barədə məlumat vermişdi.
***
Bu gün səhər cəbhənin şərq istiqamətində Ukrayna Silahlı Qüvvələri daha bir Rusiya hərbi təyyarəsini məhv edib.
“AzPolitika” xəbər verir ki, bu barədə Ukrayna Hərbi Hava Qüvvələrinin komandanı, general-leytenant Nikolay Oleşuk öz teleqram kanalında məlumat paylaşıb.
Məlumatda deyilir ki, Ukrayna qüvvələri Rusiyaya aid “Su-34” qırıcı-bombardmançı təyyarəsini məhv edib.
Oleşuk qeyd edib ki, fevralın 26-da da Ukrayna Hərbi Hava Qüvvələri Rusiya təyyarəsini vurmağa cəhd edib, lakin həmin gün rusiyalı pilotlar Ukrayna raketlərindən yayınmağa müvəffəq olublar. Bu gün isə alınmayıb...
“AzPolitika.info”
Şərhlər