Hindistanlı milyonçu cütlük - Bhaveş Bhandari və həyat yoldaşı Cinal Bhandari dəbdəbəli həyat tərzindən imtina edərək, bütün var-dövlətlərini kasıblara bağışlayıblar.

“AzPolitika” xəbər verir ki, Hindistanın daşınmaz əmlak sahəsində tanınmış simalarından olan Bhandari cütlüyü Sabarkanthadakı bütün mülklərindən imtina edərək kahin olmaq qərarına gəiblər.

Sosial şəbəkələrdə paylaşılan görüntülərə əsasən, avtomibildə kral paltarına bənzər geyimdə hərəkət edən cütlük öz əşyalarını və pullarını izdihamlı kütləyə paylayıb. Zəngin cütlüyün hədiyyələrini almaq üçün 4 kilometrlik yolda yüzlərlə insan toplaşıb.

Bhaveş Bhandari bu qərarını “Mən düzgün həyat yolunu seçməyə qərar verdim. Qərarımdan məmnunam”,- sözləri ilə izah edib.

Qeyd edək ki, Bhandarilərin milyonlarla dollar gəlir gətirən ailə biznesini bundan sonra Bhandarinin atası və böyük qardaşının idarə edəcəyi bildirilir. Məlumata görə, cütlük artıq keşiş kimi xidmət edəcək və yalnız xeyriyyə təşkilatları tərəfindən verilən yeməkləri yeyəcəklər.

“AzPolitika.info”