Milli Cəbhə Partiyasının sədri Razi Nurullayevi, ötən seçkilərdə olduğu kimi, bu dəfə də böyük çətinliklər gözləyir.
“AzPolitika” xəbər verir ki, Yeni Azərbaycan Partiyası 81 saylı İmişli seçki dairəsindən namizədliyini irəli sürmüş partiya sədrinin qarşısına prinsipial rəqib çıxarmayıb.
Hakim partiyanın siyahısında həmin dairədən Məmmədov İsrafil Zakir oğlu namizəd göstərilib. Rayondakı mənbələrdən əldə etdiyimiz məlumata görə, həmin şəxs İmişi rayon Mərkəzi Xəstəxanasının mühasibatlığında kiçik vəzifə tutur.
Bununla belə, 81 saylı dairədən bölgədə tanınmış iş adamı, rayon Ağsaqqallar Şurasının sədri Saleh Səmədov da namizədliyini irəli sürüb. Seçki elan olunduqdan dərhal sonra sənədlərini DSK-ya təqdim edən S.Səmədov rayonda xeyriyyəçi, ehtiyacı olan insanlara yardımlar etməsi ilə tanınır. Mənbələr bildirirlər ki, Razi Nurullayevə seçicilərin o qədər də yaxşı olmayan münasibəti fonunda iş adamının şansları kifayət qədər yüksək görünür. Qeyd olunur ki, iş adamı həm də hakim partiyanın üzvüdür.
Xatırladaq ki, 2020-ci ildə keçirilmiş növbədənkənar parlament seçkiləri zamanı gərgin çəkişmədən, uzun-uzadı mübahisələrdən sonra MSK tərəfindən Razi Nurullayevin az sayda səslə deputat seçildiyi elan olunmuşdu. Həmin vaxt 81 saylı seçki dairəsindən 17 nəfərin namizədliyi irəli sürülmüşdü. Onların arasında vətəndaş cəmiyyəti liderlərindən İlqar Hüseynli və Milli Olimpiya Komitəsinin üzvü Murad Fərzəliyev daha yaxşı seçki kampaniyası apararaq öndə olsalar da, siyasi dəstək Razi Nurullayevdən yana olmuşdu. Bu dəfə necə olacaq, sentyabrın 1-də məlum olacaq.
Rasim Əliyev
“AzPolitika.info”
Şərhlər
2020-ci il seçkisində R.Nurullayev qalib gəlməmişdi. 7-ci yeri tutmuşdu. MSK seşki günü gecə M.Fərzəliyevi qalib elan etdi. Lakin 2 gün sonra rayonun Murquzallı, Xoşçobanlı, Mürsəlli, Qulubəyli və s. kəndlərində protokollar saxtalaşdırıldı, səslər R.Nurullayevə yazıldı. Və bu üsulla R.Nurullayev deputat oldu.
İ.Hüseynlini bu qədər şişirtməməyinizi xahiş edirik. 2020-ci il seçkilərində 1-ci yerdə M.Fərzəliyev, 2-ci yerdə sabiq deputat İ.Əkbərli olmuşdu. İ.Hüseynli isə 5-ci yeri tuta bilmişdi.
Razi Nurullayevin əsl,həqiqi milliyyəti nədir?Axı o Azərbaycan dilini Danışanda çətinlik çəkir.Yəqin müəllimi zəi olub.ya da pis tələbə olub.Kitab cümlələti ilə danışanlar sonradan fikriv Azərbaycanlı olan erməni və kürdlədir....