Rusiya müdafiə nazirinin keçmiş müavini Pavel Popov “dövləti aldatmaq”da şübhəli bilinərək saxlanılıb.
“AzPolitika” xəbər verir ki, bu barədə Rusiya İstintaq Komitəsi məlumat yayıb.
Popovun 2021-2024-cü illər ərzində Rusiya hərbi texnikasının yerləşdiyi “Patriot” parkının inkişafı və istismarına cavabdeh olduğu və bu müddət ərzində pul mənimsədiyi iddia edilib.
Qeyd edək ki, Avqustun əvvəlində Rusiya Müdafiə Nazirliyinin İnnovativ İnkişaf Departamentinin rəis müavini briqada generalı Vladimir Şesterov və “Patriot” parkının direktoru Vyaçeslav Əhmədova qarşı dələduzluqda şübhəli bilinərək məhkəmə işi qaldırılıb.
Bundan əvvəl müdafiə nazirinin müavini Timur İvanov və Müdafiə Nazirliyinin İnsan Resursları İdarəsinin rəisi Yuri Kuznetsov rüşvət almaqda ittiham olunaraq həbs edilmişdilər. May ayında isə Rusiya ordusunun keçmiş komandanı general-mayor İvan Popovun dələduzluqda şübhəli bilinərək həbs edildiyi bildirilmişdi.
“AzPolitika.info”
Şərhlər