Son bir həftə ərzində vətəndaşların kartlarından 300 min manata yaxın pul oğurlanıb.
Daxili İşlər Nazirliyinin mətbuat xidmətinin yaydığı məlumatlara əsasən, aprelin 7-dən 13-dək (1 həftə ərzində) ümumilikdə 284 min 528 manat və 595 dollar pul vətəndaşların kartlarından oğurlanıb.
Qeyd olunmalıdır ki, Daxili İşlər Nazirliyi bir müddətdir vətəndaşlara müraciət edərək kart məlumatlarını heç kim ilə bölüşməməklə bağlı çağırışlar edir:
Çağırışlarda deyilir ki, kartın üzərindəki CVV/CVC kodu, SMS vasitəsilə göndərilən OTP kodu, digər sizə məxsus sistemlərə giriş üçün lazım olan loqin və şifrələr, kartın PİN kodu məxfi məlumatlardır.
Daxili İşlər Nazirliyinin davamlı çağırışlarından sonra kibertalamalarla bağlı vəziyyət azalma müşahidə olunur və çağırışlarla bağlı fəaliyyət müsbət nəticələr verir.
Statistikaya görə, aprelin 7-də vətəndaşların kartlarından 67 min manata yaxın pul oğurlanıb. Aprelin 13-də isə məbləğ 13 min 818 manata qədər azalıb.
Şərhlər
Bu məsələ ciddi araşdırılmalıdır.Bank əmanətlərinin qorunmasında boşluqların olduğu və bu sahəyə nəzarət etməli olan bank işçilərinin müdaxiləsi əsas səbəb olduğu şübhəsizdir.Çünki vətəndaşlar öz vəsaitlərinə bu qədər məsuliyyətsiz ola bilməzlər.Bunun davamlı hal alması deyilənlərin əsaslı olduğunu təsdiqləyir.Əvvəla diqqət yetirilməlidir kibu cinayətlər hansı bankların kartlarında baş verir və bu banklarda əmanətlərin qorunması məsələsi necədir,Bank personallarının əməllərinə diqqət etmək vacibdir.Bu əməlləri çox ehtimal banklarda depozitləri idarə edən prsonal törədir.