ABŞ-dən olan milyarder İlon Mask dünyada sərvətini 600 milyard dolları keçən ilk şəxs olub.

Bu, Maskın şirkəti "SpaceX"-in 800 milyard dollar dəyərində birjaya çıxa biləcəyi xəbərindən sonra baş verdi.

"Forbes"-in məlumatına görə, oktyabr ayında sərvətini 500 milyard dollardan keçən ilk şəxs olan Mask, "SpaceX"-in təxminən 42 faizinə sahibdir. Nəşr qeyd edib ki, bu qiymətləndirmə Maskın sərvətini 168 milyard dollar artıraraq 677 milyard dollara çatdırıb. Beləliklə, Mask tarixdə sərvətini 600 milyard dollara çatdıran ilk şəxs olub.

Maskın sərvəti təxminən 197 milyard dollar dəyərində elektrik avtomobili istehsalçısı Tesla şirkətindəki 12% payı ilə də dəstəklənir. Satışların azalmasına baxmayaraq, "Tesla" səhmləri bu il 13% artıb. Bazar ertəsi günü robot taksi sınaqlarından sonra səhmlər təxminən 4% artıb.

"AzPolitika.info"