“Səhiyyənin Təminat Mərkəzi” publik hüquqi şəxsi laboratoriya tədqiqatlarında istifadə olunan reagent, reaktiv, test və sərfiyyat mallarının alınması üzrə açıq tenderi yekunlaşdırıb.
“AzPolitika” Oxu.az-a istinadən xəbər verir ki, satınalmanın ümumi məbləği 1 milyon 118 min manatdır.
Tender siyahısına ümumilikdə 75 adda məhsul daxildir. Bunların arasında mikroinserlər, laboratoriya flakonları, 2-propanol, qanda alkoqolun yoxlanılması üçün qarışıq, həmçinin qan və sidikdə iz elementlərinin müəyyənləşdirilməsində istifadə olunan nəzarət materialları var.
Beləliklə, 1 milyon 118 min manat yalnız qan və alkoqol testlərinə deyil, tenderdə göstərilən bütün laboratoriya reagentlərinə, testlərə və sərfiyyat mallarına aiddir.
Satınalma müqaviləsinin qalibi, ayrı-ayrı məhsulların qiyməti və çatdırılma müddəti barədə ilkin materialda məlumat verilməyib.
AzPolitika.info
Şərhlər