PUTİN SEPARATÇILARI XARKOVA YÖNƏLDİR - Minsk razılaşması təhlükədə

“Əgər söhbət strateji cəhətdən mühüm sayılan bir şəhərin zəbt olunmasından gedirsə, onda hansı sülhdən və ya ağır texnikanın geri çəkilməsindən danışmaq olar?” Bu fikirlər Almaniyanın “Deutsche Welle” dalğasının yaydığı “Minsk razılaşması Debaltsevoda güllələnib” başlıqlı yazıdan götrülüb.

“AzPolitika.info”-nun məlumatına görə, yazıda daha sonra bildirilir: “Minsk razılaşmasına və sülh prosesinin başlanmasına baxmayaraq Donetskin şimalında yerləşən Debaltsevo şəhəri separatçılar tərəfindən reaktiv yaylım atəşi sistemləri ilə bombalanır. Hətta Minskdə danışıqlar gedən zaman da gərginliyin azalcağına olan ümüdlər kövrək idi.

Debaltsevo döyüşləri davam etdirməklə isə separatçılar açıq şəkildə Minsk razılaşmasında qeyd edilən atəşin dayadırılması və ağır silahların geri çəkilməsi bəndlərini pozdular. Hazırda onlar hərbi vasitələrlə vəziyyəti dəyişərək, diplomatik danışıqların heç bir əhəmiyyətinin olmadığını nümayiş etdirirlər.

Bütün baş verənlərin hamısı Rusiyanın xeyr-duası ilə həyata keçirilib. Bunu Macarıstandakı jurnalistlər qarşısında çıxış edən Vladimir Putinin təxribatçı bəyanatları, danışıq tərzi də sübut edir.

Belə ki, Putin faktların bilərəkdən təhrif edərək, Debaltsevodakı qanlı qırğınların bütün günahını Kiyev rəhbərliyinin üzərinə yıxmağa çalışdı. Hətta, Putin utanmadan Ukrayna ordusundan təslim olmağı da tələb etdi. Onun bu hərəkəti isə separatçıların təcavüzkar planlarının Rusiya prezidenti tərəfindən müdafiə olunmasının bariz nümunəsidi.

Hələ Minskdə bəlli idi ki, nə separatçılar, nə də Rusiya Debaltsevo şəhərinin Ukraynanın nəzarətində qalmasını istəmirlər. Bu yaşayış məntəqəsindən Donetsk və Luqansı birləşdirən dəmir yolu xətti keçir və ona görə də strateji baxımdan mühüm yerdir. İndi separatçıların Rusiyadan dəmir yolu vasitəsi ilə silah daşıması xeyli asanlaşacaq.

Hazırda Ukrayna əsgərləri ən müasir rus silahları ilə təchiz olunmuş separatçılarla apardıqları uzun və ağır keçən döyüşlərdən sonra Debaltsevonu tərk etmək məcburiyyətində qalıblar. Debaltsevo məğlubiyyətindən sonra Poroşenkoya ölkə içindən olan təzyiqlər də artmağa başlayıb.

Belə güman etmək olar ki, ukraynalıların çoxu yalnız öz gücləri hesabına bu müharibədə qalib gələ bilməyəcəklərini anlayırlar. Əgər ruspərəst qruplar Debaltsevodan sonra dayanacaqlarsa, onda Minsk razılaşmasının reallaşma şansı qalacaq. Lakin üfüqdə növbəti təhlükələr görünür.

Debaltsevodan Xarkova qədər olan məsafə heç də üzaq deyil. Cənubdakı Mariupol şəhəri də daima separatçıların hədəfində qalacaq. Deməli, müharibənin növbəti dalğası istənilən an başlaya bilər.

Debaltsevodakı hadisələr təkcə diplomatik danışıqlar yolu ilə təcavüzkarın durdurulmasının mümkün olmayacağını bir fakt kimi sübut etdi. Əgər separatçılar Xarkov və ya Mariupol şəhərlərinə doğru hərəkət etməyə başlasalar, onda Ukraynaya silah verilməsi məsələsinə mütləq baxmaq lazımdır.

Bununla yanaşı, əsas məsələ, separatçıların havadarı olan Rusiyaya qarşı yeni sanksiyaların hazırlanmasıdır.Avropa diplomatiyası artıq mümkün olan dözüm həddinin astanasına gəlib çatıb”.

Vaqif

AzPolitika.info