“Rusiyanın iqtisadi artımındakı durğunluq Müstəqil Dövlətlər Birliyinə üzv olan ölkələrə əhəmiyyətli dərəcədə neqativ təsir edir”. Axar.az xəbər verir ki, bu barədə məlumat “Fitch” beynəlxalq reytinq agentliyinin icmalında yer alıb.
Agentlik Rusiyadakı vəziyyətin Moskvanın daha sıx iqtisadi əlaqəsi olduğu MDB ölkələrinə təsir göstərdiyini bildirib:
“Biz hesab edirik ki, rus rublunun devalvasiyası tezliklə öz təsirini Qazaxıstanda göstərəcək. Nəticədə Astana da devalvasiyaya getmək məcburiyyətində qalacaq. Rusiya həmçinin Ermənistandan ixrac edilən mallar üçün əsas bazardır. Ona görə də buradakı durğunluq Ermənistanın iqtisadiyyatına çox ciddi təsirini göstərir və bundan sonra da göstərəcək”.
Şərhlər