Türkiyədə açıqlanan son sorğu maraqlı rəqəmlərlə gündəmdədir. “Metropol” araşdırma şirkəti vətəndaşlara başçılıq sistemini istəyib istəmədiklərini soruşub və alınan cavablar düşündürücüdür. Belə ki, anketdə 53 faiz vətəndaş başçılıq, prezidentlik sisteminə qarşı olduğunu vurğulayıb.
“Metropol” 7 iyun seçkiləri üçün apardığı sorğunun nəticələrini açıqlayıb. AKP-nin yüzdə 42,5 nisbətində göründüyü anketin ən təəccüblü nəticəsi isə HDP-nin səs nisbətində müşahidə edildi. Anketə görə, HDP-nin həddi keçməklə bağlı problemi var.
Anketdə vətəndaşlara “Türkiyədə prezident sisteminə keçilməsi mövzusunda nə düşünürsünüz?” sualı da verilib. Ərdoğanın çox istədiyi başçılıq sisteminə keçilməsini müdafiə edənlərin nisbəti yüzdə 31, buna qarşı çıxanların nisbəti isə yüzdə 53 olaraq müəyyən edilib. Yəni rəyi soruşulanların 53 faizi prezidentlik sisteminə qarşı çıxdığını söyləyib. /musavat.com
Şərhlər