2015-ci ilin yanvar-aprel aylarında əhalinin gəlirləri əvvəlki ilin eyni dövrü ilə müqayisədə 5,7% artaraq 12,6 milyard manata çatıb, onun hər nəfərə düşən həcmi 1333,0 manat və ya ayda orta hesabla 333,3 manat təşkil edib. Oxu.az Dövlət Statistika Komitəsinə (DSK) istinadən xəbər verir ki, əhalinin hər nəfərinə düşən gəlirlərin artım sürəti istehlak qiymətlərinin bahalaşmasını 1,3 faiz bəndi üstələyərək 4,4% olub.
Bu dövr ərzində gəlirlərin 74,4%-i son istehlaka, 9,8%-i vergilər, sosial sığorta və üzvlük haqlarının, 13,7%-i isə əmanətlərin və kapitalın artırılmasına yönəldilib.
Əhalinin sərəncamında qalan gəlir 11,4 milyard manat təşkil edərək əvvəlki ildəkinə nisbətən 5,6% artıb.
Şərhlər