Danimarkada parlament seçkilərində müxalif sağmərkəzçi koalisiya sabiq baş nazir Lars Lokke Rasmussenin rəhbərliyi ilə parlament seçkilərində qalib gəlib.
Parlamentdə ən böyük partiya kimi cari baş nazirin Helle Thorning-Schmidtin sosial-demokrat partiyası qalsa da, bu partiyanı idarə edən sol-mərkəzçi koalisiya səslərin çoxunu itirib.
Müxalifət, Daminarkanın materik hissəsində bülletenlərin 100 faizinin hesablanması nəticələrinə görə, seçicilərin 52.6 faizinin səsini toplayıb və parlamentdə 90 mandat yerini qazanıb. Sol-mərkəzçilər isə 85 yerlə kifayətlənməli olub.
Ölkənin avtonom hissələrində, Qrenlandiya və Farer adalarında isə səslərin hesablanması davam edir.
Bu ərazilərdən parlamentə dörd deputat seçiləcək. /BBC
Şərhlər