Rusiya KİV-nin məlumatına görə, ölkənin energetika naziri Aleksandr Novak bəyan edib ki, Rusiya Uzaq Şərqdə və Şərqi Sibirdə neft hasilatını 2 dəfə artırmağı planlaşdırır («Qazeta.ru»).
Bununla əlaqədar, nazir Şərq iqtisadi forumunda deyib: «Əgər bu gün 58 milyon ton neft hasil edilirsə, (yaxın gələcəkdə - red.) 118 milyon ton hasil olunacaq».
Artımın «yaxın illərdə» təmin olunacağı gözlənilir. Nazir qeyd edib ki, bu məqsədlə infrastrukturun, limanların və ixrac marşrutlarının inkişafı istiqamətlərində işlər aparılır.
Bundan əvvəl Rusiya prezidenti Vladimir Putin və Venesuela prezidenti Nikolas Maduro görüş zamanı qərara gəliblər ki, hazırda ifrat hasilat səbəbindən neftin aşağı düşmüş qiymətinin bərpa olunması istiqamətində birgə səylər göstərilsin.
AzPolitika.info
Şərhlər