Türkiyənin baş naziri Əhməd Davudoğlu ilə Almaniya kansleri Angela Merkel arasında telefon söhbəti olub.
AzPolitika.info-nun “Milliyyet”ə istinadən verdiyi məlumata görə, Merkel Dağlıcada şəhid olan türk əsgərlərinə görə Davudoğluya başsağlığı verib.
Davudoğlu PKK ilə mübarizədə birgə hərəkət etməyin vacibliyini vurğulayıb. Merkel isə PKK-nın Almaniya üçün terror təşkilatı olduğunu, birgə mübarizə məsələsində heç bir tərəddüdləri olmadığını qeyd edib.
Telefon söhbətində miqrantlar məsələsinə də toxunulub. Türkiyənin baş naziri 2 milyon suriyalı qaçqına sığınacaq verdiklərini, qeyri-leqal yollarla Avropaya gedənlərə qarşı da tədbir aldıqlarını deyib. Davudoğlunun sözlərinə görə, 150 min mühacirin Türkiyədən qanunsuz yolla başqa ölkə keçməsinin qarşısı alınıb.
Şərhlər