Biz Rusiya və İranın artıq dörd ildir davam edən Suriya konfliktinin həllində diplomatik səylərini artırmalarını istəyirik.Axar.az xəbər verir ki, bunu ABŞ Dövlət katibi Con Kerri jurnalistlərə açıqlamasında söyləyib. Onun sözlərinə görə, ABŞ sülhün əldə edilməsi üçün hər kəslə dialoqa başlamağa hazırdır: “Bu dialoqda Əsədin hakimiyyətdən uzaqlaşdırılması məsələsinə baxılmalıdır. Biz ümid edirik ki, Rusiyanın Suriyaya göndərdiyi təyyarələr onun bu ölkədəki hərbi bazalarının müdafiəsi üçün nəzərdə tutulur. ABŞ hələ də Rusiyanın Suriyada əsas hədəfinin nə olduğunu başa düşmür”.
Şərhlər