Avropa Parlamentinin (AP) sədri Martin Şults noyabrın 7-də Tehrana ilk rəsmi səfərini edəcək. Səfər çərçivəsində AP rəsmisi İran hakimiyyəti ilə ikitərəfli dialoqun aktivləşdirilməsi məsələsini müzakirə edəcək.
"Report" TASS-a istinadən xəbər verir ki, bu barədə Avroparlamentin mətbuat xidməti məlumat verib.
"Sədr Martin Şults şənbə günü Avropa İttifaqı ilə İran arasında dialoqu aktivləşdirmək üçün adıçəkilən ölkəyə gedəcək", - qurumun bəyanatında deyilir.
Səfər zamanı M.Şults İran prezidenti Həsən Ruhani, xarici işlər naziri Məhəmməd Cavad Zərif, eləcə də vətəndaş cəmiyyətinin nümayəndələri ilə danışıqlar aparacaq.
Şərhlər