Əhali banklardakı pulunu geri götürür - CƏDVƏL

Əhali banklarda əmanətlərini çıxartmaqda davam edir.

“Marja” Mərkəzi Banka istinadən xəbər verir ki, Oktyabr ayının sonunda fiziki şəxslərin banklarda 7 milayrd 172,9 milyon manat əmanəti olub. Bu, Sentyabr ayının sonu ilə müqayisədə 138,9 milyon manat və ya 1,9% azdır.

Bu ilin Fevral ayının sonunda fiziki şəxslərin banklardakı əmanətləri 7 milyard 932,7 milyon manata çıxmışdı. Mart-Oktyabr aylarında fiziki şəxslərin əmanətlərindəki azalma 759,8 milyon manata çatıb (9,6%).

76%-İ DOLLARDADIR

Oktyabr ayının sonunda banklardakı 7 milyard 172,9 milyon manat əmanətin 1 milyard 723,8 milyon manatı və ya 24%-i milli valyuatda, 5 milyard 449,1 milyon manatı və ya 76%-i xarici valyutada olub.

Fiziki şəxslərin əmanətlərinin 6 milyard 280,5 milyon manatı rezidentlərə, 1 milyard 690 milyon manatı qeyri-rezidentlərə aid olub. Oktyabrda rezidentlərin əmanətləri 125,8 milyon manat, qeyri-rezidentlərin əmanətləri isə 52,8 milyon manat azalıb.