Ucar rayon Qazyan kənd sakini, 1-ci qrup gözdən əlil Qədirov Rafiq İsrayıl oğlu "AzPolitika.info" saytı vasitəsilə müğənni Ədalət Şükürov və imkanlı şəxslərə müraciət ünvanlayıb. Çarəsiz bir atanın fəryadı olan müraciəti ürək ağrısız oxumaq mümkün deyil. Ümid edirik ki, nazir Səlim Müslümov da bu müraciətə laqeyd qalmayacaq. Müraciətdə deyilir:
"Sizə bildirirəm ki, iki gözüm görmür və həyat yoldaşımın hesabına gəzə bilirəm. Hazırda yoxsulluq həddindən də pis vəziyyətdə yaşayırıq. Quru çörəyə belə həsrətik. Pensiya kartımı sələminə götürdüyüm pula görə bir ildir ki, girov qoymuşam.
3 yaşlı övladım İsmayılı ilan vurduğundan, onun müalicəsi üçün sələminə pul götürmüşdüm. Həmin pula görə düz bir ildir ki, pensiya kartım sələmçidədir.
Acınacaqlı, yoxsul şəraitdə yaşayırıq. İki övladım var idi. Övladımın biri, balaca Məhəmməd 16 dekabr 2013-cü il tarixdə acınacaqlı vəziyyətdə, yoxsulluğa görə soyuqdəymədən öldü. Evimizin dam örtüyü tam yararsız olduğu üçün yağış evin içərisinə yağırdı. Körpə uşağım da buna görə tələf oldu.
Elə olur ki, günlərlə çörək belə tapa bilmirik. Özümün yox, ailəmin, azyaşlı körpə uşağımın acından məhv olma təhlükəsi məni çox üzür.
Dəyərli insan Ədalət Şükürov varlı məmurlardan mənim kimi yoxsul, kor insana heç bir haray yoxdur, sizdən xahiş edirəm, bizim ailəyə maddi köməklik göstərəsiniz. Ömrümüz boyu sizə minnətdar olarıq. Allah sizi qorusun.
Əlaqə telefonumuz; 051 808-14-47
Yardım etmək istəyənlər üçün:
Azərbaycan Beynəlxalq Bankın Ucar şöbəsi
Kod; 805807
Vöen; 9900001881
Swift kodu: İ B A Z A Z 2x
Müştəri: Qədirov Rafiq İsrayıl oğlu
Müxbir hesabı: AZ 03NABZ01350100000000002944"
Şərhlər