Rusiyada birja, neft qiymətlərində dünənki sərt enişin ardından 9 May Qələbə Bayramından sonra həftənin ilk iş gününə aşağı düşməklə başlayıb.
Brent neftin barrel qiymətinin dünən 4% aşağı düşməsinin təsiri ilə Rusiya rublu dollar və avro qarşısında dəyər itirib. Dollar/rubl məzənnəsi 66,5, Avro/rubl məzənnəsi də 75,8 səviyyəsinə qədər qalxıb.
Moskva Birjası (MICEX) indeksi, günün ilk yarısında 0,06% dəyər itirərək 1.900 bəndə düşüb, RTS indeksi də 1%-dən çox azalaraq 901,79 bəndə qədər geriləyib.
Analitiklər neftin qiymətinin aşağı düşməsi ilə bərabər, dollar indeksində möhkəmlənmənin də Rus rublu üzərində təzyiq yaratdığını ifadə edirlər. /"Marja"
Şərhlər