İcra hakimiyyətləri tərəfindən yaşıllıqların, binaların qarşısındakı sakinlərin, uşaqların istirahət etdiyi ərazilərin satılması adi hal alıb. Ancaq Xətai Rayon İcra Hakimiyyəti bir addım da irəli gedərək vətəndaşların evlərinə getdiyi yolu belə satıb.

Belə ki, Həzi Aslanov metrostansiyasının çıxışındakı binalarda yaşayan sakinlər "AzPolitika.info"ya müraciət edərək, evlərinə gedən yolda obyekt  tikildiyini bildiriblər. Tikintini aparanlar Xətai Rayon İcra Hakimiyyətindən razılıq aldıqlarını deyiblər.

Ancaq sakinlər belə bir razılığın verilməsini mümkünsüz və qanunsuz hesab edirlər. Çünki bu tikinti onların evlərinə gedən yolu bağlayır. Ərazidəki binalarda yaşayanlar tikinti dayandırılmazsa, etiraz aksiyası keçirəcəklərini bildirirlər.

Mövzunu diqqətdə saxlayacağıq.