Türkiyənin Bankların Fəaliyyətinə Nəzarət Şurasında (BDDK) ölkənin bank rəhbərləri ilə görüş keçirilib.
"Report" Türkiyə KİV-inə istinadən xəbər verir ki, bankirlərin bir araya gətirilməsinə səbəb prezident Rəcəb Tayyib Ərdoğanın ölkə banklarına ipoteka kreditlərinin illik faiz dərəcəsini 9%-ə endirməklə bağlı tövsiyəsidir.
Görüşdə BDDK-nın rəhbəri Mehmet Ali Akben bank sahiblərinə müraciət edərək, onları nəinki ipoteka, digər kreditləri də ucuzlaşdırmağa çağırıb: "Bu, bütün banklar üçün faydalı olacaq. Tədricən xarici banklar da faizləri azaldacaq".
Bank rəhbərləri ucuzlaşma ilə bağlı təklifə müsbət yanaşıblar və bu istiqamətdə iş aparacaqlarını deyiblər.
Şərhlər