Dollar, qeyri-sabit qlobal iqtisadi artım, güclü qızıl və istiqrazlar səbəbindən Fed-in faiz artırımını bir müddət təxirə salacağı spekulyasiyaları ilə zəifləyib.
Dollar mühüm pulların hamısı qarşısında dəyər itirib. Bloomberg Dollar Spot İndeksi, ard-arda iki gün aşağı düşüb. Cümə günü gözlənildiyindən yüksək çıxan ABŞ-da məşğulluq göstəricisinin dolları dəstəkləməsinə baxmayaraq, qlobal miqyasda inkişafın məyusluq yaratması səbəbindən Fed-in 2016-ci ildə faiz artırımına gedəcəyinə dair bazar gözləntisi 50%-dən aşağı qalır.
Dolların 10 əhəmiyyətli pul qarşısındakı dəyərini təqib edən Bloomberg Dollar Spot İndeksi, Çərşənbə Axşamı günkü azalmanı davam etdirərək Çərşənbə günü 0.4 faiz zəifləyib.
Sydney-də "Commonwealth Bank of Australia"nın stajlı valyuta strateqi Elias Haddad, "ABŞ Dollarının əmtəə qiymətlərinə qarşı həssas olan valyutalar qarşısında yüksəlməsi artıq mümkün görünmür" - deyib. /"Marja"
Şərhlər