Hadisə Qrosryukersvald kommunasında, aerodromda keçirilən bayram zamanı baş verib
Almaniyada iki yüngülmühərrikli təyyarə toqquşub.
"Report" "TASS" agentliyinə istinadən xəbər verir ki, bu barədə Kemniç şəhər polisinin nümayəndəsi məlumat yayıb.
Məlumata görə, hadisə Qrosryukersvald (Saksoniya federal torpağı) kommunasında, aerodromda keçirilən bayram zamanı baş verib. Təyyarələrdən biri toqquşmadan sonra eniş edə bilib, digər təyyarə isə yaxınlıqdakı meydana çırpılıb.
Qəza zamanı iki nəfər ölüb.
Hələlik hadisənin digər təfərrüatları barədə məlumat verilmir.
Şərhlər