“Yağış suları ilə dolmuş ərazilərdə suçəkmə işləri aparılır” - FHN

Oktay Bayramov: “Heydər Əliyev Mərkəzinin yaxınlığındakı ərazidə suçəkmə əməliyyatı davam etdirilir”

"Dövlət Yanğından Mühafizə Xidmətinin texnika və şəxsi heyəti yağış suları ilə dolmuş ərazilərdə suçəkmə işləri aparır".

Bu barədə “Report”a Fövqəladə Hallar Nazirliyinin (FHN) mətbuat xidmətinin rəhbəri Oktay Bayramov məlumat verib.

Onun sözlərinə görə, hazırda Xocahəsən, Höküməli qəsəbələrində və Heydər Əliyev Mərkəzinin yaxınlığındakı ərazidə yığılan su çəkilir: "Evlərin su basması, insanların köməksiz qalması ilə bağlı Fövqəladə Hallar Nazirliyinə hər hansı məlumat daxil olmayıb".