Bu şəkillər də Amerika Birləşmiş Ştatlarında çəkilib. Sevinən insanlar respublikaçılardır. Onlar sevincdən bağırır, qucaqlaşır, Trampın qələbəsini bayram edirlər. Daha dünənə qədər onların qələbəyə inamı, özləri demişkən, "fifti-fifti" (50:50) idi. Bu gün isə artıq seçkilərin nəticələri bəlli olub və Donald Tramp Hillari Klintondan azı 30 superseçici səsi qədər irəlidədir.
İndi Tramp ABŞ prezidenti kürsüsünün 1 addımlığındadır. İki aydan sonra o, vəzifəsinin icrasına başlaya bilər.
Ona görə də Respublikaçılar partiyasının üzvləri, tərəfdarları sevinir, küçələrdə qol götürüb oynayırlar.
Bu seçki kampaniyasında şəkillərdə gördüyünüz sevinən adamlar çox məyusluq yaşamışdılar - Tramp debatlarda xanım Klintona uduzanda, Trampın barəsində cinsi sapıqlıq ittihamları səslənəndə, qadınlar mediada onun üzünə duranda, Trampın sözləri təhrif ediləndə və s.
İndi bütün dərd-möhnətlər geridədir. Bütün hücumlara, gözdənsalmlara rəğmən Tramp ABŞ prezidenti seçilib.
Bu adamların çoxu Tramp adminitrasiyasında təmsil olunmayacaqlar. Bu, sadəcə, tərəfdar, fanat sevincidir.(musavat.com)
Şərhlər