Krımdakı rus hərbi təyyarələri döyüş hazırlığı vəziyyətinə gətirilib

Rusiya Krıma onlarla hərbi təyyarə yerləşdirib. “Axar.az” xəbər verir ki, bu informasiyanı Ukrayna mətbuatı yayıb.

Mətbuat yeni yerləşdirilmiş təyyarələrin bir müddət sonra Ukraynanın cənub-şərq istiqamətində istifadə olunacağını bildirib: “Ruslar Krıma xeyli sayda hərbi təyyarə yerləşdiriblər. Bunların hər biri Krasnodar vilayətindən buraya gətirilib. Krıma əsasən MİQ-29 və SU-27 qırıcı təyyarələri göndəriliblər. Tu-22m bombardmançı təyyarələri də artıq Krımdadır. Onlar cənub-şərqi Ukrayna istiqamətində yerləşdiriliblər. Rusiya hadisələrin qarışdığı zaman bura müdaxilə etmək niyyətindədir və indidən onun ətrafında halqa yaradır”.