Türkiyədə dolların məzənnəsi yeni rekord həddə çatıb

Türkiyədə ABŞ dollarının məzənnəsi nağd valyuta bazarında 3,41 lirə həddini keçərək tarixi maksimal səviyyəyə çatıb.

"Report" xəbər verir ki, hazırda məzənnə 3,4160 TRY/USD-yə bərabərdir.

Buna səbəb kimi dolların qlobal valyuta bazarında güclənməsi fonunda Çin yuanı da daxil olmaqla inkişaf etməkdə olan bütün dünya valyutalarının ucuzlaşması amili göstərilir.

Qeyd edək ki, Türkiyədə ötən həftənin cümə gün ABŞ dollarının məzənnəsi 3,4080 olub.