FHN əməkdaşları lift şaxtasına düşən iki uşağı xilas ediblər

Bakıda iki uşaq liftin şaxtasına düşüb.

APA-nın Fövqəladə Hallar Nazirliyinin saytına istinadən verdiyi xəbərə görə, hadisə paytaxtın Xətai rayonunda baş verib.

Nazirliyin Böhran Vəziyyətlərində İdarəetmə Mərkəzinə daxil olan məlumat əsasında FHN-in Xüsusi Riskli Xilasetmə Xidmətinin xilasediciləri hadisə yerinə cəlb olunaraq şaxtaya düşmüş uşaqları xilas ediblər və aidiyyatı üzrə təhvil veriblər.