Baş nazir: "Terrorçuları gizlətməyinizə göz yuma bilmərik"
Kürdlərin nəzarəti altında olan Ərbil İraq və Şam İslam Dövləti qruplaşmasının silahlılarının hərbi bazasına çevrilib.
Bunu İraqın baş naziri Nuri Əl-Maliki bəyan edib.
Baş nazir İraq Kürdistan müxtar vilayətinin rəhbərliyini İŞİD silahlılarını öz ərazilərində gizlətməkdə ittiham edib.
“İraq və Şam İslam Dövləti və “Əl-Qaidə” Ərbildə əməliyyat hərbi bazalarını yerləşdirib. Biz buna göz yuma bilmərik”, - deyə Maliki İraq Kürdistan müxtar vilayətinin rəhbərliyinə xəbərdarlıq edib.
Qeyd edək ki, İŞİD İraqın şimal-qərb regionlarında, eyni zamanda Mosulda nəzarəti ələ alıb.
İraq ordusu hərbi əməliyyatlar keçirərək İŞİD-in ələ keçirdiyi bölgələri terrorçulardan geri almağa çalışır. /ANS
Şərhlər