“Özəl telekanallarda maarifləndirci verilişlər demək olar ki, yox dərəcəsindədir”
“Telekanallarda şou-proqramlarda bağlı narahatlıq tək bizdə deyil, bütün dünyada mövcuddur. Çox təəssüf ki, dünyada hər şey şoulaşır”.
Bunu APA-ya açıqlamasında “Avto FM” (107.7) radiosuna xəbərdarlığı şərh edən Milli Televiziya və Radio Şurasının sədri Nuşirəvan Məhərrəmli bildirib.
N. Məhərrəmli bildirib ki, bu, tək televiziyalara aid məsələ deyil: “Hüquqşünaslar, iqtisadçılar, din xadimləri öz işlərini şoulaşdırırlar. Ümumiyyətlə, cəmiyyətdə elə sahə yoxdur ki, şou ilə bağlı olmasın. Bu, çox təəssüfedici haldır və televiziyada özünü daha çox göstərir. Azərbaycanda özəl telekanallarının əsas gəlir yeri reklamla, sponsorla bağlıdır. Ona görə də telekanallar gəlir əldə etmək, cəmiyyəti verilişlərinə cəlb etmək üçün müxtəlif yollar, orijinallıq axtarırlar. Çox təəssüf ki, bu yollar bəzən çox da uğurlu alınmır”.
MTRŞ sədri hesab edir ki, büdcədən maliyyələşən Azərbaycan Dövlət Televiziyası, Mədəniyyət Televiziyası, İdman Televiziyası, İctimai Televiziya bu işdə əsas yükü öz üzərlərinə götürməlidir: “Bu televiziya kanalları gərək cəmiyyətin tələbatını ödəsin. Əgər insanlar həmin televiziya kanallarında olan verilişlərə baxacaqlarsa, özəl telekanallardakı şou verilişlərinə ehtiyac qalmayacaq. Çox təəssüf ki, cəmiyyətdə dəyərsizləşdirmə çox sürətlə gedir və bu özünü bütün sahələrdə göstərir. Bu, qorxulu tendensiyadır və biz bundan çox əziyyət çəkirik”.
N. Məhərrəmli MTRŞ-nın sosial problemli insanlar üzərində şou yaradılmasını qəbul etmədiyini vurğulayıb: “Kriminal xəbərlərdə insanlarla bağlı cəmiyyəti qıcıqlandıran mövzuların tez-tez təkrar edilməsini qəbul etmirik. Bəzən elə olur ki, ailədə dəhşətli, cəmiyyətimizə xas olmayan hadisə lazım olduğundan artıq işıqlandırılır. Bu, tək televiziyalar deyil, yazılı KİV-də də özünü çox göstərir. Telekanallarda belə məsələlər olan zaman Şura bunu tənzimləyə bilir. Amma bütövlükdə mediada bu hal özünü çox göstərir. Xüsusən əxlaqi dəyərlərlə bağlı kriminal hadisələr, ata-övlad, ər-arvad məsələləri daha çox qabardılır”.
MTRŞ sədri qeyd edib ki, televiziya kanallarında yetərincə maarifləndirici verilişlərin olması üçün iqtisadi baza olmalıdır: “Özəl telekanallarda maarifləndirici verilişlər demək olar ki, yox dərəcəsindədir. Bu özəl telekanalların iqtisadi vəziyyəti həddindən artıq pisdir. Bir müddət əvvəl hətta Azərbaycan prezidenti bəzi özəl telekanallara həm “Azərkosmos”a, həm də "Teleradio" İstehsalat Birliyinə borclarının ödənməsi üçün xüsusi yardım ayırdı. O baxımdan özəl telekanallarda maarifçilik verilişlərinə yer ayrılmaması ciddi problemdir. Bu, həm də reklamın azlığı ilə bağlı olan məsələdir. Ümumilikdə isə telekanallarda problemlər çoxdur. Bura kadr məsələsi, telekanal rəhbərlərinin düzgün proqram siyasətinin olmaması və digərləri daxildir”.
Şərhlər
Wmumiyyetle Azerbaycanda televiziyaya nezaret edilmir.Bunun neticesidir ki,bayagi, seviyyesiz,hec shoya da benzemeyen verilishler insanlarin meneviyyatini pozur.Tesadwfi aparici ile insanlari saatlarla mesgul etmekle,bununla saat bitirmekle bu leviziyalar ne demek isteyir?Tamashacilar ZAurlardan,
Elgizden,Xoshqedemden bogazacan doyub.Nezere alinsa ki,televiziya peyk vasitesile xarici olkelere de yayinlanir bu zaman Azebaycanin efir mekaninin veziyyeti biabirci olduğu gorwker/Bes bu saheye mesul olanlar?
Hormetli Nushirevan muellim bir zamanlar bizleri valideyinlerimiz aidiyyati olmayan verlislere baxmaqa qoymazdilar,hetta eskeri xidmetde de bele idi.Ona gore de o vaxtlari medeniyyet,terbiye,boyuye hormet,izzet var idi.Sizi cenab Presidentimiz boyuk mesuliyyetli vezifeye teyin edib ki, tele kanallarin uzerinde nezaret edesiniz.Nece olur ki ANS-i baqlaya bildiz bu bezi yerde qalan yersiz kanallari baqlaya bilmirsiz?ATV-de Zaur Baxseliyevin telxek ve mənasız verlisleri kime lazimdir axi?Cox kanallar beledi
Vacib deyil ki,özəl TV-ləri artırmaq.Xəzər,ATV,Speys,Lider..bu özəl.TV-lərin nə Dövlətə,nə də Millətə zərrəcə xeyirləri yoxdur.Əksinə mənəviyatsız,keyfiyətsiz verilişləriylə zövqləri korlayır və dələduzluqla məşğul olurlar.Sumqayıtda bir ``D``TV var ..gün ərzində ya təlxəklik edilir,ya səviyəsi olmayan şoular göstərilir..ya da çoban,savadsız aparıcıların kafe-bar manısların bayağı ``konsertləri`` yayımlanır.