Azərbaycan dövlətinin Azərbaycan Beynəlxalq Bankı” ASC-də (ABB) payı yüksəldilib."APA-Economics"in məlumatına görə, bu, “Aqrarkredit” QSC səhmdar kredit təşkilatının ABB-dəki payının dövlətə ötürülməsi nəticəsində baş verib.
Beləliklə, dövlətin bankın səhmlərindəki payı 96,5 %-ə yüksəlib.Qeyd edək ki, bankın Kommersiya hüquqi şəxslərinin Dövlət Reyestrindən Çıxarışına əsasən, 01.12.2017-ci il tarixinə dövlətin ABB-dəki payı 80,49%-ə, “Aqrarkredit”in payı isə 14,56%-ə bərabər olub. Ümumilikdə dövlət və dövlət müəssisələrinin ABB-də birlikdə payı 95,05% təşkil edib.
Bundan başqa, 01.12.2017-ci il tarixinə qeyri-dövlət müəssisələri bankda 0,4%, fiziki şəxslər isə 4,55%-lik paya sahib olub.
Kommersiya hüquqi şəxslərinin Dövlət Reyestrindən Çıxarışa əsasən Azərbaycan Beynəlxalq Bankı ASC-nin nizamnamə kapitalının strukturu (01.12.2017-ci il tarixinə)
| Təsisçinin, iştirakçının (səhmdarın) adı | Təsisçilər | |
| məbləğ, min Azərbaycan Manatı ilə | Faktiki nizamnamə fon-na nisbətən %-lə | |
| Dövlət və dövlət müəssisələri | 1 179 835.16 | 95.05 |
| O cümlədən, | ||
| Azərbaycan Respublikası | 999 112.42 | 80.49 |
| Aqrarkredit QSC | 180 722.75 | 14.56 |
| Qeyri-dövlət müəssisələri | 4 910.00 | 0.4 |
| Fiziki şəxslər | 56 542.08 | 4.55 |
| Cəmi | 1 241 287.24 | 100.00 |
Şərhlər