Prezident İlham Əliyev Ülvi Mehdiyevin Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin (“ASAN Xidmət”) sədri təyin edilməsi haqqında sərəncam imzalayıb.
"Report"un məlumatına görə, sərəncamla Ülvi Ramiz oğlu Mehdiyev Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri təyin edilib.
Nazirlər Kabinetinə Azərbaycan Respublikası Prezidentinin aktlarının bu sərəncama uyğunlaşdırılması ilə bağlı təkliflərini iki ay müddətində hazırlayıb Azərbaycan Respublikasının Prezidentinə təqdim etmək; Nazirlər Kabinetinin normativ hüquqi aktlarının bu sərəncama uyğunlaşdırılmasını üç ay müddətində təmin edib Azərbaycan Respublikasının Prezidentinə məlumat vermək tapşırılıb.
Xatırladaq ki, aprel ayının 21-də Prezident İlham Əliyevin sərəcamı ilə Dövlət Agentliyinin sədri İnam Kərimov vəzifəsindən azad edilərək kənd təsərrüfatı naziri vəzifəsinə təyin olunub.
Ülvi Mehdiyev 1985-ci il yanvarın 30-da Bakı şəhərində anadan olub. Bakı Dövlət Universitetinin hüquq fakültəsinin bakalavr və magistratura pilləsini bitirib. 2005-2006-cı illərdə hərbi xidmət keçib. 2006-2009-cu illərdə Ədliyyə Nazirliyinin Qanunvericilik baş idarəsinin məsləhətçisi, aparıcı məsləhətçisi vəzifələrində çalışıb. Ü.Mehdiyev 2009-2012-ci illərdə Azərbaycan Respublikası Prezidentinin Administrasiyasının Hüquq mühafizə orqanları ilə iş şöbəsində məsləhətçi vəzifəsində işləyib. 2012-ci ildən Azərbaycan Respublikası Prezidentinin Administrasiyasının Hüquq mühafizə orqanları ilə iş şöbəsində sektor müdiri vəzifəsində işləyib. Azərbaycan Respublikası Prezidentinin 2014-cü il 13 fevral tarixli sərəncamı ilə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədr müavini vəzifəsinə təyin edilib.
Şərhlər
Guya bilmirsiniz Ülvi kimin balasıdır?....
Bu uşaqlar hamısə yüksək vəzifəli məmurların qohum əqrabaları və yaxınlarıdır. Keçəl həsən həsən keçəl. Heç nə dəyişməyəcək. Talan tüşvət korrupsiya daha da artacaq. Çünki bu hakimyətin mənbəyi puldur. On GÖRƏ DƏ TORPAQ DA VƏTƏN XALQ DA DƏ YADDAN ÇIXIB. VAR PUL BİZNES UĞRUNDA ÇALIŞIB VURUŞURLAR
Gwlməlidir. Özünü işdə tanıtmamış buyur keç yuxarı başa. Milətdə qalır baxa-baxa.
Biz fərqlənmə diplomu ilə ən yüksək təhsil slmış övladımıza bir iş tapa bilmirik, bu bəxtəvər isə necə deyərlər diplomunun mürəkkəbi qurumamış, heç bir əsaslı xidməöti olmadan gör necə yüksəyə qoyuldu və bu gün sabah da yəqin nazir və ya Baş Prokuror qoyular. Allah Azərbaycanlılara da kömək olsun.
Ülvi Mehdiyevin tərcümeyi-halına baxanda o dəqiqə aşkar olur ki,bu gənc sıçrayışla vəzifələrə təyin olunub.Necə ola bilər ki,Ülvi 20 yaşında maqistraturanı bitirib və iş təcrübəsi olmadan Ədliyyə nazirliyində, qısa müddətdən sonra isə prezident administrasiyasında yüksək vəzifəyə təyin olunub?Aydındır ki,Ülvi Mehdiyev yeksək vəzifəli şəxsin qohumudur. ....