Ukrayna təyyarəsinə səmada raket zərbəsi endirilib
Rusiya Hərbi Hava Qüvvələrinə məxsus təyyarə Ukraynanın "Su-25" təyyarəsini vurub. ANS PRESS-in məlumatına görə, bu barədə Ukrayna Milli Təhlükəsizlik və Müdafiə Şurası açıqlama yayıb. Açıqlamada bildirilir ki, "Su-25" təyyarəsi Ukrayna səmasında vurulub.
“İyulun 16-da saat 19 radələrində Donetsk vilayətinin Snejnoe şəhəri yaxınlığında Ukrayna Hərbi hava Qüvvələrinə məxsus "Su-25" təyyarəsinə Rusiyaya aid hərbi təyyarə raketlə zərbə endirib. Pilot katapult edib və sağ qalıb”, deyə açıqlamada qeyd olunur.
Rusiya təyyarəsinin Rostov vilayətində yerləşən aerodromdan havaya qalxdığı bildirilir.
Şərhlər