Bu gün Avropa Liqasının II təsnifat mərhələsinin ilk oyunları keçirilib.
Azərbaycan kubokunun qalibi “Neftçi” bu mərhələdən mübarizəyə qoşulub.
Böyükağa Hacıyevin komandası öz meydanında Sloveniyanın “Koper” klubunu qəbul edib.
8-ci km qəsəbə stadionunda keçiriləcək oyun saat 20:00-da başlayaıb.
Belaruslu baş hakim Denis Şerbakovun idarə etdiyi oyun bakılılar üçün uğursuz startt götürüb, komandamız oyunun birinci hissəsində 0:2 hesabıyla geri düşüb. Qolları Qaleşiç (24) və Palçiç (41) vurublar. "Neftçi"nin oyunçusu Araz Abdullayev 45+1 dəqiqədə qollardan birinin əvəzini çıxıb (2:1).
Oyunun ikinci hissəsi "Neftçi"nin üstünlüyü ilə keçib. Ancaq hesab dəyişməyib.
Komandalar oyuna aşağıdakı heyətlə çıxmışdılar:
"Neftçi": Saşa Stamenkoviç, Karlos Kardoso, Elvin Yunuszadə, Bruno Bertuççi, Məqsəd İsayev, Araz Abdullayev, Flavinyo (k), Julius Vobay, Erik Ramos, Kaue Sesilyo, Ernest Nfor
"Koper": Radoseviç, Blaziç, Qubares (k), Haliloviç, Hadziç, İvetiç, Çrniqoy, Palçiç, Çovilo, Qaleşiç, Ştromajer
Qeyd edək ki, komandalar arasında cavab matçı bir həftədən sonra Sloveniyada oynanılacaq. /musavat.com
Şərhlər