“Azərbaycanın hansı regionda yerləşdiyi məlumdur. Azərbaycanın “Əsrin müqaviləsi” imzalanarkən hansı təhdidlərlə qarşı-qarşıya olduğu da məlum idi. Heydər Əliyev də bunu qeyd etmişdi. Buna baxmayaraq, Azərbaycan o vaxt bu müqaviləni imzaladı”.
APA-nın məlumatına görə, bunu bu gün Bakıda keçirilən Avropa İttifaqı-Azərbaycan Parlament Əməkdaşlıq Komitəsinin 15-ci iclasının ikinci sessiyasında Dağlıq Qarabağ münaqişəsinin həlli ilə bağlı danışıqlar, mövcud vəziyyət mövzusunda çıxış edən Milli Məclis sədrinin birinci müavini Ziyafət Əsgərov bildirib.
Z. Əsgərov bu gün Avropa İttifaqının enerji təhlükəsizliyində böyük rol oynayacaq Cənub Qaz Dəhlizinin yaradıldığını xatırladıb: “Ermənistan bu gün terror siyasəti yürüdür. Bu gün Ermənistanda terror dövlət siyasətidir. Bu siyasətin müəllifi olan Serj Sarkisyanı hakimiyyətdən qovdular. Görək, Sarkisyandan sonra Ermənistanda sağlam düşüncəli insan gələcəkmi? Nə qədər Azərbaycan torpaqları işğal altındadır, Ermənistanda firavanlıq olmayacaq. Ermənistan işğalçılıq siyasətindən əl çəkməlidir, yalnız bundan sonra regionda sabitlik yarana bilər. Ancaq Ermənistan beynəlxalq hüququ saymır. Avropa İttifaqı niyə Azərbaycan qarşı ikili siyasət həyata keçirir, işğalçı Ermənistana qarşı isə sanksiya tətbiq olunmur? Ukrayna ilə bağlı Rusiyaya isə fərqli münasibət göstərilir. Torpaqlarımızın 20 faizi işğal olunub, siz isə orada bir kriminalı müdafiə edirsiniz. Bu gün Azərbaycanın işğal olunmuş rayonlarında narkotik yetişdirilir. Hazırda Avropada satılan narkotik vasitələrin əksəriyyəti işğal altındakı ərazilərdə yetişdirilir".
Şərhlər
Bu adam nə danışdığından özünün xəbəri,anlayışı var?Adam əvvəlcə özünə sual verər ki, bu keçən 26-28 ildə Azərbaycan nə edib?Heç olmasa bircə rayonu da olsa geri qaytarma təşəbbüsü edib?Sən burada boş-boş danışacaqsan.YAP üzvləri ölkəni soyub talıyacaq( misal bir sıra işdən azad olunan nazirlər və nazirliklərin işçiləri).Avropa İttifaqı sənə Qarabağı alıb verəcək?Afərin belə təkəbbürə.düşüncəyə! r
Ziyafət müəllim,ancaq torpaqlarımız deyil, Respublikamızdakı iş yerləri və vəzifələr də müəyyən bölgə tərəfindən işğal olunub.erməniləri başa düşürük,onlar düşmənlərdir,bəs, YAP hakimiyyətinə nə deyək?Vətənə,torpağa xidmət edənlər qalıb,ordudan qaçanlar və onların cəbhə xətti görməyən övladları,rus sevdalıları vəzifələrə irəli çəkilir və iş yerləri onların arasında poay-püşk edilir..
Niуə birbaşa demirsiniz ki, İŞGALÇI dovləтi necə Avropa İттifaqına qəbul edirsiniz? NAТO da тərəfdaşı Azərbaуcan hakimiууəтini səfeh saуır və hərbi işgaldan birbaşa müdafiə əvəzinə "Ərazi problemin var?", bəhanəsi qoуur.