Hacıqabulda baş verən qəzada ölən və xəsarət alan var.
APA-nın Mil-Muğan bürosunun məlumatına görə, qəza Bakı-Qazax magistralının 115-ci kilometrliyində Hacıqabul şəhəri ərazisində qeydə alınıb.
“Tofaş” markalı "10 CC 011" dövlət nömrə nişanlı avtomobil sərt döngədə dəmir arakəsməyə çırpılıb.
Nəticədə sürücü - Lerik rayon sakini, 1990-cı il təvəllüdlü Şahpələngli Emil Sultanağa oğlu hadisə yerində ölüb, 6 yaşlı oğlu Əli isə xəstəxanaya yerləşdirilib.
Faktla bağlı araşdırma aparılır.
***
"AzPolitika.info"ya daxil olan məlumata görə, qəzada həlak olan 28 yaşlı Emil Şahpələngli deputat İqbal Məmmədovun bacısı oğludur.
Allah rəhmət eləsin!
Şərhlər
Deputat İqbal Məmmədovun haramla arası saz olduğu üçün Allah onun özünə .... Çox gəncin haqqın yeyib, pislik edib. Keçən il bu vaxt onun Lerikdə broyler fabriki partladı. İki nəfər günahsız insan öldü. .. Alla gənc qardaşa rəhmət estsin.