Bakıda daha bir toy karvanında avtoxuliqanlıq hərəkətləri qeydə alınıb. “Prado” markalı avtomobilin sürücüsü toy karvanı olarkən “şou” göstərməyə başlayıb. Hadisə Heydər Əliyev prospektində üzü hava Limanı istiqamətində baş verib.
Musavat.com xəbər verir ki, sosial şəbəkələrdə yayılan görüntülərdə sürücünün insanların həyatını necə riskə atdığı aydın görünür.
“Prado”nun sürücüsü əvvəlcə toy karvanın önünə keçərək kamera qarşısında bir neçə avtoxuliqanlıq hərəkətləri edir. Bu zaman qoşaxətti keçərək yolun əks istiqamətindən gələn avtomobillərin önünə çıxır. Digər sürücülərin sayıqlığı nəticəsində qəza baş verməsinin qarşısı son anda alınır. Avtoxuliqanlıq edən “Prado”nun sürücüsü hətta toy karvanını lentə alan kameramanın əyləşdiyi maşını da vurmaqdan son anda qurtulur.
Özünün və başqalarının həyatını heçə sayan, qanunlara və cəmiyyətə açıq şəkildə hörmətsizlik edən belə sürücülər mütləq cəzalandırılmalıdır.
Qeyd edək ki, daha əvvəl də bu cür avtoxuliqanların əməlləri sosial şəbəkələrdə, mətbuatda ictimailəşdirilib. Dövlət Yol Polisi də bu cür hadisələrə dərhal reaksiya verərək həmin sürücülərin qısa zamanda qanunla nəzərdə tutulmuş şəkildə cəzalandırılmasını təmin edib.
Şərhlər
Bu kimi "qəhrəmanları" cəbhəyə aparmaq lazımdır ki orada öz şücaətlərini göstərsinlər.
Videoya baxdım və pis təsir bağışladı. Bir anda özü o tərəfə, başqalarına təhlükə yaratdı. Bu yaramaz sürücünün əməlində qəsdən bilərəkdən yol hərəkəti qaydalarını kobud şəkildə pozmaqla nyanaşı xuliqanlıq niyəti ilə qəsdən ictimai qaqydanı pozmaq var. Həmin sürücü müəyyən edilib ətraflı yoxlanılmalı, onun sükan arxasında sərxoş olub-olmaması, habilə narkotik vasitələrdən istifadə edib-etməməsi, ümumiyyətlə narkoman olub-olmaması yoxlanılıb barəsində ən qətu şəkildə cəza tədbiri görülməlidir.