Yetkinlik yaşına çatmayanlar narkotik cinayətlərinə bulaşıb
2018-ci ilin yanvar-iyun aylarında Azərbaycanda qeydə alınmış 12 844 cinayət hadisəsinin 1813-ü və ya 14,1 faizi narkotik vasitələrin və psixotrop maddələrin qanunsuz dövriyyəsi ilə əlaqədar olub.
Dövlət Statistika Komitəsindən Trend-ə verilən məlumata görə, onların 58,2 faizini satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə, saxlama, hazırlama, emal etmə, daşıma, 33,2 faizini eyni hərəkətləri müvafiq qanunla müəyyən edilməyən qaydada satış məqsədilə etmə, habelə bu maddələri istehsal etmə, göndərmə və satma, 6,5 faizini qanunsuz olaraq tərkibində narkotik maddələr olan bitkiləri kultivasiya etmə, 2,1 faizini isə güclü təsir edən və ya zəhərli maddələrin qanunsuz dövriyyəsi ilə bağlı cinayətlər təşkil edib.
Narkotik vasitələrin və psixotrop maddələrin qanunsuz dövriyyəsi ilə bağlı cinayət törətmiş 1227 nəfərin 87,2 faizini heç yerdə işləməyən və oxumayanlar, 38,4 faizini əvvəllər də cinayət məsuliyyətinə cəlb edilmiş şəxslər təşkil edib. Cinayət törədənlərin 0,3 faizi yetkinlik yaşına çatmayanlar, 7,3 faizi 18-24 yaşlı, 13,3 faizi 25-29 yaşlı gənclər, 79,1 faizi isə 30 və yuxarı yaşlı şəxslər olub.
2018-ci ilin yanvar-iyun aylarında müsadirə edilmiş 1441,9 kiloqram narkotik maddələrin 674,5 kiloqramını heroin, 508,8 kiloqramını marixuana, 198,9 kiloqramını tiryək, 44,4 kiloqramını həşiş, həşiş yağı və qətranı, 15,3 kiloqramını isə digər narkotik və güclü təsiredici vasitələr təşkil edib.
Şərhlər
Narkotik istifadəçilərinin sayının artmasında işsizliklə mübarizə aparmayan hökumət günahkardır. Yalandan işsizliyin 5 faiz olduğunu bəyan etməklə iş bitmir.Gənclər arasında işsizliyin 50-60 %-ə yaxınlaşdığını görmək,hiss etmək və düşünmək lazımdır.Uzun illərdir ki, Azərbaycan hökuməti yalana söykənib.belə ciddi problemi özbaşına buraxıb.Gənclərin cibinə narkotik atıb həbs etmək praktikasından daşınmaq vacibdir.Bir də Ali məktəblərə lazımından artıq tələbə qəbul edib diplomlu işsizlər ordusu yaratmaq olmaz
Bəs hə oldu gopa basırdınız ki, işsizlik 3 %-dir. Nəbilim Amerika 5%-nən bizə baxıb həsəd aparır. Bunlar hara getdi ?? Danışanda ağzınıza tüklü toyuq yerləşmir.