ABŞ Prezidenti Donald Tramp 2001-ci il sentyabrın 11-dən sonra ölkə üzrə elan edilən fövqəladə vəziyyət rejiminin müddətini daha bir il uzadıb.
“Report” “Sputnik”ə istinadən xəbər verir ki, bu barədə ABŞ-ın lideri bildirib.
Onun sözlərinə görə, ölkədə terror təhlükəsi qalır və bu səbəbdən 2001-ci il sentyabrın 14-də elan edilən fövqəladə vəziyyət rejiminin müddətini daha bir il uzadır.
Qeyd edək ki, 2001-ci il sentyabrın 11-də terrorçular ələ keçirdikləri 4 sərnişin təyyarəsini Nyu-Yorkdakı Dünya Ticarət Mərkəzinin yerləşdiyi “göydələn binalara” və Vaşinqton ətrafında yerləşən Pentaqonun çırpıblar. Onlardan biri isə ABŞ paytaxtına çatmadan Pensilvaniya ştatında qəzaya uğrayıb. Terror nəticəsində 2977 nəfər ölüb, 6300-ə yaxın insan yaralanıb.
Şərhlər