BAXIN, DANIŞAN XARİCİ İŞLƏR NAZİRİMİZDİR! – Çavuşoğlu birşey başa düşdümü? + VİDEO
Elmar Məmmədyarov yenə Azərbaycan dilinin "anasını ağlar qoydu"
İki gün öncə İstanbulda Azərbaycan, Türkiyə və Gürcüstanın xarici işlər nazirlərinin 7-ci üçtərəfli görüşü keçirilib.
“AzPolitika.info”nun məlumatına görə, növbəti dəfə "yüksək perfromans" göstərən Azərbaycanın xarici işlər naziri Elmar Məmmədyarovun çıxışı sosial şəbəkələrdə geniş müzakirələrə yol açıb. Ancaq təəssüf ki, bu müzakirələrin səbəbi xarici işlər nazirimizin dərin analitik qabiliyyətindən irəli gələn hansısa parlaq fikirləri, təklifləri, dəyərləndirmələri deyil, ümumiyyətlə bu adamın nə dediyinin, hansı dildə danışdığının anlaşılmaz olmasıdır.
Yəqin hər kəs razılaşar ki, Azərbaycan kimi mürəkkəb regionda yerləşən, Qarabağ konflikti kimi çox çətin problemlə üz-üzə qalan, eləcə də müxtəlif beynəlxalq güclərin hədəfində olan bir ölkənin xarici işlər naziri çox yüksək səviyyəli diplomat, güclü intellekt sahibi və ən azından müəyyən xarizmaya malik bir şəxs olmalıdır. Ancaq nə qədər acı olsa da, təəssüf ki, bizim tanıdığımız Elmar Məmmədyarovun nazir olduğu 15 ilə yaxın müddətdə nəinki xarizmasının, nə səlis məntiqinin nə də adi nitq qabiliyətinin şahidi olmuşuq...
Adətən, istənilən səviyyədə Azərbaycan və Türkiyə nümayəndə heyətlərinin görüşündə tərcüməçiyə ehtiyac qalmır və tərəflər bir-birini asanlıqla başa düşür. Ancaq kiminlə desəniz bəhsə girərik ki, aşağıda izləyəcəyiniz çıxışda nə Mövlud Çavuşoğlu, nə də türkiyəli jurnalistlər Elmar Məmmədyarovun nə dediyini anlamırlar. İndi görün oradakı gürcülər nə çəkirlər. Qınamalı da deyil, əgər biz anlamırıqsa, bu binəvalar necə anlasınlar?
Məmmədyarovun barəsində danışdığımız çıxışına baxdıqca görürsən ki, hörmətli xarici işlər nazirimizə Azərbaycan dili üzrə tərcüməçi lazımdır. Çünki nazirimizin dediklərini təkcə xarici dillərə deyil, elə Azərbaycan dilinə də tərcümə etməyə ehtiyac var. Cümlələrin gələcək zamanda başlayıb, keçmiş zamanda qurtarması, mübtədayla xəbərin ortalıqda çaş-baş qalıb başını itirməsi, bir sözlə, dilimizin "anasını ağlar qoyması" bir tərəfə, bu adam Azərbaycan dilində rəqəmləri də düz deyə bilmir. Elə həmin bu çıxışda xalqımızın, dövlətimizin adından danışan, Azərbaycan diplomatiyasının 1-ci şəxsi (!) sayılan nazir "2020-ci ildə" ifadəsini "iyirmi iyirmidə" kimi tələffüz edir.
Əslində, izlədiyimiz bu mənzərə nə qədər gülməlidirsə, bir o qədər də acınacaqlı və bəlkə də faciəvidir. Və əgər diplomatiya, diplomatlıq budursa, daha bizim heç bir sözümüz qalmır və yalnız təəssüflə deyə bilirik ki, baxın, danışan Azərbaycanın xarici işlər naziridir...!
Cəlal MƏMMƏDOV
AzPolitika.info
Şərhlər
GETDİK - "... BA-BA-LI SƏR-VƏRİN BOYNUNA" BİRDƏ "BA-BA-LI SƏR-VƏRİN BOYNUNA..."
Azərbaycan diplamatyasina Hikmət Hacıyev yaraşır! Nitqi, səlist daňışığı ,fikrini məntiqli çatdırması ,Qarabağ prablemini dəqiq biməsi Rus,İngilis dilində səlist danışması,danışığinda mubarizkənliyi , Vətənə ürək yanğısının hiss olunması, görünüşünün əsil diplamata oxşamasını nəzərə alıb onu XIN -i qoysalar, o diplamatyamıza daha çox uğur gətirər nə inki bu Elmar !
Mənim üçün çox maraqlıdır, neçə illərdir bu adam belə danışır, birdən-birə nə baş verdi bunu yıxıb sürüyürlər, yəqin sifariş yuxarıdan gəlib.
Hörmətli Daşqın, Diplomat nə demək olduğunu bilirsinizmi? Çıxışı zamanı eee.eee təkrarlamaq dirlomata yaraşırmı? Diplomat yüksək nitq qabiliyyətinə malik olmalıdı, ölkəsini hər qurumda müdafiə edərək məqbul qərarların qəbul edilməsinə nail olmalıdır. Bəs 14 ildə onun bir faydalı işi gözə dəyibmi? Əgər diqqət etmisənsə Məmmədyarov elə ingilis,rus dilində çıxışarında da eee -lərlə danışır (pəltək adam kimi ).Hələ məzmunu ikinci tərəfi.Onun yerinin səhv olduğu tam aydındır və onu müdafiə etməyin yeri yoxdur.
Vəzifəsindən asılı olmayaraq hər bir vətəndaş öz doğma dilini mükəmməl bilməlidir. Xarici İşlər Naziri vəzifəsini tutan şəxs isə məhz xarici siyasətə rəhbərlik etdiyi üçün beynəlxalq dil kimi qəbul olunan ingilis dilini doğma dilindən daha mükəmməl bilməli və dünyada baş verən hadisələri dərindən analiz edib ölkəsinin maraqlarına cavab verən qərarlar qəbul etməyi bacarmalıdır. Elmar Məmmədyarov ingilis və rus dilini mükəmməl bilməklə yanaşı, eyni zamanda güclü analiz qabiliyyətinə malik peşəkar və vətənpərvər diplomatdır. Azərbaycan müstəqillik əldə etdikdən 20 il sonra BMT kimi nüfüzlu təşkilatın Təhlükəsizlik Şurasının qeyri daimi üzvi seçilib. Bu gənc müstəqil dövlət üçün cox ciddi və böyük uğurdu. Bu qələbədə şübhəsiz ki xarici işlər naziri kimi Elmar Məmmədyarovun böyük xidmətləri var. Xarici İşlər Naziri Elmar Məmmədyarov ən mötəbər beynəlxalq təşkilatların tribunalarından Azərbaycanın Ermənistan tərəfindən işğalı faktını dəfələrlə qaldırmış, ölkəmizin haqlı mövqeyini dünya birliyinin diqqətinə çatdırmış və ermənistanın işğalcı dövlət kimi tanınmasında var gücü ilə fəaliyyət göstərmişdir. Preident İlham Əliyevin rəhbərliyi ilə həyata keçirilən uğurlu xarici siyasətin nəticəsi olaraq bu gün dünya birliyi işğal olunmuş Azərbaycan torpaqlarını Kəşmir məsələsində olduğu kimi mübahisəli ərazilər deyil, məhz Azərbaycanın işğal olunmuş əraziləri kimi qəbul edir.
Yox kishi vetenperverimish.Dogulub yashadigi ve yuksek vezife tutdugu olkenin yerli ve dovlet dilini bilmeyen insanin vetenperverlikle hech bir elaqesi yoxdur.O ki qaldi peshakarliga,60il erzinde bir dili oyrene bilmeyen,10 deqiqelik nitqi ezberleye bilmemesi insanin intelektual seviyesinden xeber verir.
Ana-тürk dilini bilməmək ilk novbədə H.Əliуevin "Bir milləт, iki dovləт" və lazımi əlaqəsi olmaуan "Тürk dünуası" şüarlarına horməтsizlikdir. Hazırkı Azərbaуcan dili, qrammı laтın sonluqları və rus onlükləri ilə uzadılıb, cümlələr тərsinə-haуca dolaşdırılıb? Misal: "Sən onu narahaт eтmək üçün evinə geт, уaxşıca danış!", уoxsa, "Geт evinə, danış onu rahaтsız eт!" operaтiv səslənir?
Burada bir məsələ açıq qalıb.Elmar Məmmədyarov 14 ildən artıqdır bu vəzifədədir.Məgər o bu gün belə danışır? Onun Azərbaycan dilini bilmə səviyyəsi budur!İnsan 14-15 ildə bir neçə dil öyrənə bilər.Əgər bu adam bir öz ana dili "saydığı" Azərbaycan dilini bu müddətdə səlist mənimsəyə bilməyibsə ,ondan nazir olarmı? Bu 14 il ərzində onun danışıq və iş qabiliyyətini ( nazirliyin başı-ayağı yoxdur) bilərəkdən,irəliləyiş olmayan məsələlərdən xəbərdar olanlar onu vəzifədə niyə saxlayıb? Bu maraq doğurmurmu?
http://azpolitika.info/?p=463488 “AZƏRBAYCANCA TƏMİZ DANIŞAN ƏCLAFLAR!…” – Məmmədyarovun atası Dərc olunub: 02/11/2018 - 19:18 DİFFERENSİAL FƏRQLƏNDİRMƏ: Atalar sözü: "Oğru elə bağırdı ki, doğrunun ürəyi partladı!" VƏ YAXUD: "ATASI BELƏ, BALASI BELƏ - QIRILMIŞIN HAMISI BELƏ?" Atalar sözü YOXSA KI: xarici işlər naziri Elmar Məmmədyarovun atası akademik Məhərrəm Məmmədyarovun sözü: “Ataların bir sözü var. “Hər gözəlin bir eybi olar”. Əsas odur ki, Elmar vətənpərvər insandır. Bəzi adamlar belə insanları qaralamaqla məşğuldur. Olmaz belə. Azərbaycanca təmiz danışa bilən o qədər əclaflar var ki!”. HANSI Kİ: Azərbaycan diplomatiyasının 1-ci şəxsi (!) sayılan nazir “2020-ci ildə” ifadəsini “iyirmi iyirmidə” kimi tələffüz edir. Əslində, izlədiyimiz bu mənzərə nə qədər gülməlidirsə, bir o qədər də acınacaqlı və bəlkə də faciəvidir. Və əgər diplomatiya, diplomatlıq budursa, daha bizim heç bir sözümüz qalmır və yalnız təəssüflə deyə bilirik ki, baxın, danışan Azərbaycanın xarici işlər naziridir…! http://azpolitika.info/?p=462858 Elmar Məmmədyarov yenə Azərbaycan dilinin “anasını ağlar qoydu” SİYASİ PLÜARİLİZM: Yazıq millət!: Erməni 30 il 8 ay 11 gündü torpaqlarımızı işğal edib.. bu Elmar ğörəsən kimə fayda verir ki,bunu diplamatyamızın başında saxlayırlar? Bunun faydası yalnız Ermənilərdəi!!!Nə bədbəxt millətik!
metamorfoza
Sədaqət mənim bacım! Var niyə yoxdu? Məsələn Rasim Musabəyov , Hamlet Hacıyev !intahası qoymazlar bunlara dili bilməyən belə maymaqlar lazımdırki, əl ayaqlarına dolaşmasin!
Hesab edirəm ki, xarici işlər naziri ilk növbədə, ana dilini, ingilis və rus dillərini dəqiq bilməlidir. Amma normal düşüncə tərzi ilə anlamaq olmur ki, 14 il ərzində nazir olan bu yoldaşın ana dilini lazımışca mükəmməl bilməməsi nə səbəbdən indi üzə çıxıb? Bax, bu məsələ müəmmalıdır.
SARKİSYAN AZƏRBAYCANCA BUNDAN YAXŞI DANIŞIRDI.
Şərhlərə baxıb oxuyuram və millətimin ürəyinin partamasını hiss edirəm!!! Yaziq xalqım yazıq millətim axı biz nə edək ki bu kimi hallar olmasın? İyirmi iyirmi yəni 2020 ci il demek istəyirmiş bu nazir? Gülməli deyil cox ağlamalıdı cox. Axı bunun yerinə kimi gətirsinlər? Var? Oda yoxdu... kövrəldim biz niyə bu gündəyik?....
Azərbaycan Respublikası Prezidenti İlham Əliyev Azərbaycan dilinin saflığının qorunması və dövlət dilindən istifadənin daha da təkmilləşdirilməsi ilə bağlı tədbirlər haqqında fərman imzalayıb. Bəs görəsən cənab nazir Mamedyarov niyə cənab prezidentin fərmanına hörmətlə yanaşıb AZƏRBAYCAN dilini öyrənmir? Çox maraqlıdır....
STAR TERCUMEDE ULDUZ OLSADA ZAVODUN ADI STAR ZAVODUDU ULDUZ ZAVODU YOX.TRANS ANADOLU DEDE TRANS ANATOLI YOX.BUNUN YERINE QURBAN QURBANOVU QOYMAQ LAZIMDI EN AZINNAN BUNNAN DAHA YAXSI TEMSIL ELIYIR XARICDE BIZI
Bitmiş bir fikiri ifadə edən sğzə və ya söz birləşməsinə cümlə deyilir. Yəqin Elmar müəllimə orta məkəbdə bunun tərsini , yəni bitmiş bir fikiri ifadə etməyən sözə və ya söz birləşməsinə cümlə deyilir oyrədiblər. Sadəcə utanc verici. Hələ olaki də bu vəziyyətdə beynəlxalq trubinalarda millət və hökümət adından danışasan.
Sənin Azərbaycanlı olmağına inanmıram.Hər bir şəxs ilk öncə öz doğma dilini bilməlidir.Ondan sonra digər dilləri.Öz doğma dilinə hörmət qoymayan bir şəxs Azərbaycanın mənəfeyini qoruya bilməz.Çünki o başqa dildə təhsil alıb və Azərbaycan haqqında yanlış təsəffürə malikdir.Elmar Məmmədyarov Azərbaycanın XİN-i olduğu ücün ilk öncə Dövlət dilimizi bilməlidir.Əgər öyrənə bilmirsə istefa verib getməlidir.Özünə hörmət etmirsə,xalqa hörmət etməlidir.
Xarici İşlər Nazirinin azərbaycan dilində səlist danişması o qədər də vacib deyil. Xarici İşlər Naziri əsasən ingilis və rus dillərində mükəmməl bilməli, xarici siyasəti dərindən bilməli, digər ölkələrin xarici işlər nazirləri ilə gözəl münasibətlər qurmağı bacarmalı, dövlətə sadiq olmalı və ən vacibi də dünyada baş verən prosesləri dərindən analiz edib düzgün qərar qəbul etməyi bacarmalıdı. Məhz bu keyfiyyətlərini nəzərə alaraq cənab Prezident Xarici İşlər Naziri vəzifəsini Elmar Məmmədyarova həvalə edib.
Esl Karloson. Usaqliqimdaki multfilim yadima dushdu bu danisiqa baxanda.
Həzarat, axı bu, nədi - adamdı, vertolyondu, yoxsa kenquru?! Əcəba, bunu ana doğmayıb?!
boyyyyyy bu na qanisiqdi
Qeyriler etdiler tereqqiyi tam, Qaldi zillet icre firqeyi islam. Biz köləlik psixoloğiyasindan hələ də qurtula bilmirik. Qurtulsaydıq millilikden üzaq ,servet düşgünü,Vezifeni xalqa zülm etməkdə görən, xalqa düshmən ünsürlər məmur kürsüsündə ,parlamentdə,hüquq mühafizə orqanlarinda səfə düzülməzdi. Yalançı məddahlar sanki bu ölkə prezidentinin ehtiyacı var.Cəlilabadda bir icra başçısı vardı Əziz Əzizov,Şəhərin baş kücəsini Prezidentə göstərəcəyi yerə qədər abadlaşdırmışdı.(4 km-in 2km bərbad halda idi).
BAKININ KÜCƏLƏRİNDƏ MAĞAZALAR,ŞİRKƏTLƏR,MÜƏSİSƏLƏR VƏ S.ADLARINA BAXIN.AZƏRBAYCAN TÜRKCƏSİNDƏ AD GÖRSƏNİZ YAZIN GEDİB MƏN DƏ BAXIM.ƏVVƏL BUNU RUSLARIN ÜSTÜNƏ ATIRDILAR. DÖVLƏT DİLİMİZƏ QARŞI OLAN BU HƏQARƏTİ AİDİYATI QURUMLAR GÖRMÜRMÜ. ELMLƏR AKADEMİYASININ DİLCİLİK İNİSTUTUNDA İŞLƏYƏNLƏR NƏ İŞLƏ MƏŞĞULDUR. ALLAH SƏNƏ RƏHMƏT ELƏSİN BƏXTİYAR VAHABZADƏ.QƏBRİNDƏ DƏ YƏQİN Kİ,ALIŞIB YANIR.
Ermənilər bizim xarici şeylər nazirimizi görəndə yəqin ki, deyər: "Ayə nə yaman qorxduq, üstümüzə İyelmar gəler". İçi mən qarışıq, kül olub bu millətin yazıq başına. Bu, sadəcə olaraq rüsvayçılıqdır. Özünə hörmət edən adam istefa verib bildiyi işin qulpundsn yapışar
Bu ölkede nazir bele olmalıdı,esas odur ki,VETENPERVERDİ,bu .... başa aça bilmedim Yazıq Çavuşoğlu ne bilsin ki o ne danışır.Eyer onu bu ölkede başa düşen yoxdursa
Bu nazirərin icində Azərbaycan dilində hansı yaxşı danışır ki buda danışsın. Burda təcübli hecne yoxdu.
Zakir Qaralov hər nə olsa da buna baxanda yenə dilimizə hörmət edib öyrənib.
Əslində xarici işlər nazirinin azərbaycan dilində mükəmməl danışması elə də vacib məsələ deyil. Xarici İşlər Naziri vəzifəsini daşıyan şəxs ən əsası ingilis və rus dilini mükəmməl bilməli, xarici siyasəti, dünyada baş verən hadisələri düzgün təhlil edib qərar qəbul etməyi bacarmalıdır. Təbii ki azərbaycan dilini hər bir azərbaycanlı bilməlidi, amma gəlin etiraf edək ki Azərbaycanda xarici siyasəti Elmar Məmmədyarov kimi bilən, ingilis və rus dillərində çox mükəmməl danışan çox az sayda vətəndaşımız var.
Görəsən baş nazirimiz buna bir qulaq asıb nə qiymət verir? Fikirləşmirki , bu ölkə üçün , xalq üçün bir ləkədı,təhqirdir!Dili bilmir-bimir cəhənnəmə ,axı, Bu adam,öžunu çoxluq ıcində itirir,əlini ğəh cibinə salır,ğəh boş yerə qurdalanir,bir bunda özünü aparma qaydasıda yoxdu!Nə üçün xalqı, milləti belə 2020 il sözünü işlədə bilməyən bir savadsizla tehqir vəziyyətinə salirlar bilmirəm ,?
Erməni 30 il 8 ay 11 gündü torpaqlarımızı işğal edib.. bu Elmar ğörəsən kimə fayda verir ki,bunu diplamatyamızın başında saxlayırlar? Bunun faydası yalnız Ermənilərdəi!!!Nə bədbəxt millətik !.....
Butun məmurlar bu cürdür....Ne gundesen,ay olkem,sen bu gune niye galdin?
müsyo jordanı xatırladır.
Deyirem goresen bu adam normal,ne dediyini ozu basa dusen,ne dediyini bilen adamdi?Vallah adam cas bas qalirki goresen bu ne danisir.
Ağası Gülüm olanın baçına külüm olar!
Biabirciliqdi. Bu adam Azerbaycan dilinde danisha bilmir.
Yəqin saat 20.20-ılə, 2020-ci ili qarışıq salıb.İngilis dilli məmurlar üçün gərək rəqəmləri Rum rəqəmilə yazsınlar.Məsələn XX əsri.Ondada rus dilli məmurlarda oxuyacaqlar iksi-iksi əsri.Yaxşısi budur heç danışmasınlar.
Elmarcik hec cevizivede olma bawa duwen duwsun bawa duwe bilmeyende zehmet cekib para verib gedib milli meclisge otursun vessalam wuttamam.Yox o qalmiwdi ki 60 yawdan sonra gedim azerbaycan dilini oyreneceksen .O boyda ARTUR ucitel azeri dilini bilmeyerek fexri I pensiyaya cixmadi. Inwallah fexri pensiyaya cixmaqina lap az qalib.
Elmar Məmmədyarov Moskvanın ən sevimli adamıdır.O,ABŞ-da səfir olanda bizimkilərlə,ancaq rus dilində danışırdı.Bu da onu göstərirdi ki,o Azərbaycanın tarixi,ədəbiyyatı və mədəniyyəti haqqında heç nə bilmir.Ancaq,nədənsə onun Rusiyaya olan sevdası onun vəzifədə qalmasını daha çox gücləndirir.E.Məmmədyarovun Azərbaycanın təəssübünü çəkən birisi olması şübhəlidir.Güman ki erməni məsələsində də loyallığı elə bundan irəli gəlir..
Bele XIN_i olan hokumet ancaq ermeniye serf edir. Bu millet hele ne qeder asagilanmaga dozecek?
Burda təkcə dil məsələsi deyil, həmdə bilik və məsuliyyət məsələsidir....aydın görünürki, Xarici işlər nazirimiz danışdıqlarının mahiyyətini özü üçün sona kimi aydınlaşdırmayıb... biabırçılıq, başqa heç nə demək olmaz.
e.məmmədyarov Azərbaycan xalqının keyfiyət göstəricisidir.Biz xəcalət çəkməyi də bacarmırıq.Bu nazirin çıxışını dinləyən hər bir normal adam,haqqımızda bir şeyi dəqiqləşdirə bilər.Ki,anoloqu olmayan sözü nə deməkdir və bunun bizə nə kimi aidiyatı var.
EWWI,MOLODES,ESAS INKIWAFDU...ZATO ,,ARTURNAMENI,,YARIYA KIMI OXUYUB,SIZ BISAVADLAR ANLAMIRSINIZSA,25 ILDEN SONRA ANLARSIZ...INKIWAFI YADDAN CIXARMAYIN.UKRAYNADA KI,SEFIRMIZDEN IBRET GOTURUN,ELQEREZ...ELIK IWIVUN BAWINDA OL.
BİABIRÇILIQDIR Xİ NAZİRİ ERMƏNİ LƏHCƏSİ İLƏ DANIŞIR. DƏHŞƏTDİR BU
Kommentariləri oxuyakən bir məsələdə anlaşılmazlıq ortaya şıxır.Ölkənin hər bir məsul işçisi,Prezidenti.naziri və s. xaricə getdikdə onun xarici dildə danışması mütləq deyil.Bütün ölkələrdə tədbirlərdə salon tərcüməşilər və hətta sinxron tərcümə ilə təmin olunur.Ona görə ölkəni təmsil edən şəxsin xarici dildə danışması məcburi deyil.Bu şəxs xarici dil də bilirsə,bu müsbət sayılar.Ancaq təmsil etdiyi dövlətin dilində səlist danışması məcburidir. Əfsus ki,bizdə əksinə baş verir.Rəsizadə və Məmmədyarov kimi.