Moldova Demokratiya və İqtisadi İnkişaf naminə Təşkilatda (GUAM) sədrliyi Ukraynaya verib.
Bu barədə "Report" "RBK-Ukrayna"ya istinadən xəbər verir.
"GUAM çərçivəsində mövcud olan ənənə, konsensus əsasında işləmək təşkilata üzv dövlətlərə həm regional, həm də beynəlxalq səviyyədə məhsuldar və qarşılıqlı faydalı əməkdaşlığı davam etdirməyə imkan verəcək", - Moldova Xarici İşlər və Avropaya İnteqrasiya Nazirliyinin bəyanatında deyilir.
Moldova XİN başçısı Tudor Ulyanovski ukraynalı həmkarlarına uğurlar arzulayaraq, GUAM-ın üzv ölkələr və onların vətəndaşlarının maraqları naminə əməkdaşlığı möhkəmləndirəcəyinə əminliyini ifadə edib.
Qeyd edək ki, GUAM-a Gürcüstan, Ukrayna, Azərbaycan və Moldova daxildir.
Şərhlər
GUAM yarandığı gündən lazımsız bir təşkilata çevrilib.Heç bir fəaliyyəti olmayan bir təşkilatın yalnız adı var.